आज देखि खाँदबारीमा सुजन मगर स्मृति फुटसल प्रतियोगिता हुँदै

खेलकुद

गृहपृष्ठ
खेलकुद
आज देखि खाँदबारीमा सुजन मगर स्मृति फुटसल प्रतियोगिता हुँदै

आज देखि खाँदबारीमा सुजन मगर स्मृति फुटसल प्रतियोगिता हुँदै

शुक्रबार, साउन ४, २०८१ अरूण सन्देश

खाँदबारी । सङ्खुवासभा सदरमुकाम खाँदबारीमा आजबाट फुटसल प्रतियोगिता सुरु हुनेभएको छ । फुटसल खेलाडी स्वर्गिय सुजन मगरको स्मृतिमा फुटसल प्रतियोगिता जिल्ला १६ टिमको सहभागिता रहने आयोजक ग्यालेक्सी युनाइटेड अध्यक्ष दिपकिरण शाक्ले बताए । ग्यालेक्सी युनाइटेड फुटबल क्लब र गाउँले फुटबल क्लबको संयुक्त आयोजनामा सुर्य वोर्डिङ स्कुलमा रहेको अनुरोध फुटसल ग्राउण्ड आज दिउँसो १ बजेबाट प्रतियोगिता सुरु हुनलागेको हो ।
प्रतियोगिताका बिजेताले नगद ३० हजारका साथमा ट्रफि, मेडल र प्रमाणपत्र प्राप्त गर्ने पालु लामाले जानकारी गराए । उपविजेताले नगद १५ हजार रुपैयाँ, ट्रफि, मेडल र प्रमाणपत्र, सेमिफाइनलिष्ट टिमहरुले ५/५ हजार रुपैयाँ का साथमा मेडल र प्रमाणपत्र प्राप्त गर्ने आयोजकले जनाएको छ ।
स्व.सुजन मगरको फुटसलको तालिम लिने क्रममा केही वर्ष अगाडि निधन भएको पालु लामाले बताए । लामाले भने–सुजनको फुटसल प्रतिको लगाव र ग्यालेक्सी युनाइटेड फुटबल क्लब स्थापनामा पुर्याएको योगदानको कदर गर्दै उहाँको स्मृतिमा प्रतियोगिता सञ्चालन गर्न लागिएको हो । प्रतियोगिता सञ्चालका लागि अनुमानित २ लाख रुपैयाँ खर्च हुने आयोजकले जनाएको छ । प्रतियोतिा सञ्चालनका लागि स्वर्गिय सुजनको परिवार, फुटसल खेलाडीहरु र विभिन्न दताहरु मार्फत सहयोग प्राप्त हुने भएको छ ।

प्रकाशित मिति: शुक्रबार, साउन ४, २०८१ ११:५४

#फुटसल प्रतियाे

प्रतिक्रिया दिनुहोस्