आर्थिक हिनामिना भएको छैन : षडानन्द गुुठी

समाज

गृहपृष्ठ
समाज
आर्थिक हिनामिना भएको छैन : षडानन्द गुुठी

आर्थिक हिनामिना भएको छैन : षडानन्द गुुठी

मंगलबार, साउन २९, २०८१ अरूण सन्देश

दिंङ्ला । भोजपुर जिल्लाको षडानन्द नगरपालिकामा रहेको षडानन्द सिताराम गुठीमा कुनै आर्थिक हिनामिना नभएको गुठी व्यवस्थापन संस्थाले जनाएको छ । गुठीले मंगलबार दिंलामा पत्रकार संमेलन मार्फत सामाजिक सञ्जालमा गुठीले आर्थिक हिनामिना भएको आरोपको खण्डन गरेको हो । गत साउन १३ गते गुठीमा आर्थिक हिनामिना भएको भन्दै सामाजिक सञ्जालमा सार्वजनिक भएको थियो ।
पत्रकार सम्मेलनमा षडानन्द सिताराम गुठी १९३२ व्यवस्थापन संस्थाका सचिव हरी भित्रिकोटीले संस्थामा कुनै आर्थिक हिनामिना नभएको बताए । चिर्खुवा हाइड्रोपावर सँगको सम्झौता अनुसारको रकम २०७९ चैत्र ६ गते नै संस्थाको राष्ट्रिय वाणिज्य बैंकमा रहेको खातामा जम्मा भएको बैंक स्टेटमेन्ट सार्वजनिर्क गर्दै सचिव भित्रिकोटीले सामाजिक सञ्जालमा आएको आरोपको खण्डन गरेका हुन् । चिर्खुवा हाइड्रोपावरबाट प्राप्त चेक गुठीको खतामा जम्मा गरिएको जानकारी सस्थाले गराएको छ । त्यसैगरी चिर्खुवा हाइड्रोपावर सँगको सम्झौता अनुसार आर्थिक २५ हजार रुपैयाँ दिने सम्झौता अनुसार २०८० असार २० गते सात महिनाको १४ हजार ५ सय ८५ रुपैयाको चेक संस्थाको खातामा नै जम्मा भएको देखिन्छ । तर सामाजिक सञ्जालमा आएको कुरा आधारहिन भएको भन्दै पत्रकार सम्मेलन मार्फत गुठीले खण्डन गरेको हो ।
एक हजार २४ रोपनि जग्गा रहेको गुठीले जग्गा बाली मोही मोती बहादुर विक सँगको सम्झौता अनुसारको रकम २ लाख ५० रुपैयाँ २०८० बैशाख ३१ गते संस्थाको खाता जम्मा भएको खुलेको छ । विभिन्न शिर्षकमा जम्मा भएको रकम संस्थाको बैक खतामा जम्मा भएको संस्थाले पत्रकार संमेलन मार्फत जनाएको छ । २०८० असार समान्त सम्ममा जग्गा बाली आम्दानी ६ लाख १९ हाजार ४५० रुपैयाँ रहेको छ । रसिद नम्बर सहित आम्दानी रकम उल्लेख गरिएको छ । सामाजिक सञ्जालमा आएको जस्तो कुनै रकम हिनामिना भनएको भन्दै सचिव भित्रिकोटी संस्थाको कार्यालयमा आएर सत्यतत्थ्य जोसुकैले पनि प्राप्त गर्न सकिने बताएका छन् । लेखा परिक्षणको प्रतिवेदनमा पनि सबै शिर्षकको आम्दानी तथा खर्च प्रस्ट उल्लेख भएकाले आवश्यकता परे नियम अनुसार लेखा प्रतिवेदन समेत प्राप्त गर्न सकिने उनको भनाई छ ।
सामाजिक सञ्जालमा आएको आरोपको खण्डन गर्दै षडानन्द सिताराम गुठी १९३२ व्यवस्थापन संस्थाका अध्यक्ष कृष्ण प्रसाद पौडेलले भने बास्तविकाता नबुझि झुटा प्रचार गरिएको बताए । संस्थाको पारदर्शिताका विषयमा सत्यतथ्य बुझेर बास्तविकता बाहिर ल्याइदिन सबै पक्षलाई अध्यक्ष पौडेलले आग्रह गरे । विना प्रमाण व्यक्तिगत लान्छना लाउने गरी झुटा प्रचारवाजी गरीएको पौडेलले आरोप लागए । अन्य कार्यालयबाट संस्थाको नाममा आएको चेक व्यक्तिले साट्न नमिल्ने भन्दै हाइड्रो पावरबाट आएको चेकको रकम आफुले हिनामिना नगरेको प्रस्ट पारे । आर्थिक हिनामिनाको आरोप पछि संस्थाको फाइल जिल्ला प्रशासन कार्यालय भोजपुरले थप अनुसन्धान गरिहेको अनुसन्धान पछि थप प्रस्ट हुने भन्दै अध्यक्ष पौडेलले झुटा आरोप नलाउन अनुरोध गरे । अनुसन्धले दोसी ठहराए कानुन अनुसार कार्यबाही भोग्न तयार हुने बताए ।

प्रकाशित मिति: मंगलबार, साउन २९, २०८१ १९:३२

प्रतिक्रिया दिनुहोस्