चैनपुर नगरपालिका र ललितपुर महानगर बीच भगिनी सम्बन्ध कायम

समाज

गृहपृष्ठ
समाज
चैनपुर नगरपालिका र ललितपुर महानगर बीच भगिनी सम्बन्ध कायम

चैनपुर नगरपालिका र ललितपुर महानगर बीच भगिनी सम्बन्ध कायम

बिहीबार, वैशाख २५, २०८२ अनिष विष्ट

चैनपुर । सङ्खुवासभा जिल्लाको चैनपुर नगरपालिका र ललितपुर महानगर बीच भगिनी सम्बन्ध कायम भएको छ । विहिबार चैनपुरको ११ वार्षिक उत्सवको अवसरमा चैनपुरमा महानगर सँग भगिनी सम्बन्ध कायम गर्ने समझदारी पत्रमा हस्ताक्षर गरिएको छ ।
प्रतिनिधिमण्डल सहित चैनपुर आएका ललितपुर महानगर प्रमुख चिरीबाबु महर्जन र चैनपुर नगरपालिकाका प्रमुख कृष्णकुमार तामाङले भगिनी सम्बन्ध कायम गर्ने समझदारी पत्रमा हस्ताक्षर गरे । चैनपुर र ललितपुर सँग १० बुँदे समझदारी भएको हो । दुई पालिकाले आफुले प्रदान गर्ने प्रकृया तथा व्यवस्थापन सम्बन्धी जनप्रतिनिधी तथा कर्मचारी नेतृत्व विच अन्र्तत्रिया गर्ने । पुर्वाधार तथा शहरी विकास, समाजिक विकास, वतावरण संरक्षण, विपद् व्यवस्थापन, संस्कृति तथा संम्पदा संरक्षण, पर्यटन प्रर्वद्धन र शिक्षा स्वास्थ्य र आर्थिक प्रर्वद्धनका क्षेत्रमा आपसी सहयोग र अनुभव आदनप्रदान गर्ने सम्झौता भएको छ । साथै स्थानिय उत्पादनलाई प्रर्वद्धन गरी उत्पादित समानहरुको बजारी करणा तथा व्यवसायीकताका लागि आवश्यक सहयोग र सहकार्यमा जोड दिने सम्झौतामा छ । दुवै पक्षक पदाधिकारीहरु कर्मचारीको क्षमता विकासका लागि समझदारीका क्षेत्रहरुमा अनुव आदानप्रादन गर्न द्धिपक्षिय भ्रमण गर्ने समझारी पत्रमा उल्लेख गरिएको छ ।
भगिनी सम्बन्धपछि दुबै पालिकाका असल अभ्यासहरु आदान प्रदान गर्न सहज हुने बताउँदै ललितपुर महानगरका प्रमुख चिरीबाबु महर्जनले भने– ‘भगिनी सम्बध अत्यन्तै महत्वपूर्ण हुनुका साथै मितेरी सम्बधले दुःख सुख साटासाट गर्ने छ ।’ अब हामी एकै परिवारका भयौं ।
अन्य पालिका सँग भगिनी सम्बध कायम गरेको बताउँदै भगिनी सम्बन्ध कायम भएका पालिकाहरूलाई योजना दिँदै आएको प्रमुख महर्जनले बताए । कला, संस्कृति, सम्पदा, वातावरण झल्कने योजनालाई प्राथमिकता दिनुपर्नेमा जोड दिए । चैनपुरको विकास‌को लागि ललितपुर महनगर तयार रहेको प्रतिवद्धता जहेर गरे । सार्वजनिक जग्गाहरुको संरक्षमा लग्न समेत चैनपुर नगरपालिकालाई अनुरोध गरेका छन् ।
चैनपुर नगरपालिकाका प्रमुख कृष्णकुमार तामाङले महानगर प्रमुख आफ्नो प्रतिनिधि मण्डलसहित भगिनी सम्बन्ध कायम गर्नका लागि चैनपुर आउनु भएकोमा खुशी व्यक्त गरे । राष्ट्रिय र अन्तर्राष्ट्रिय क्षेत्रमा ख्याति कमाएको ललितपुर महानगरबाट चैनपुरले धेरै कुरा सिक्न सक्ने उनको भनाई राखे । चैनपुर नगरपालिकाका उपप्रमुख एलिना श्रेष्ठले भगिनी सम्बन्धले चैनपुरको विकासलाई थप उचाइ दिने बताइन् ।
त्यसैगरी कार्यक्रममा खाँदवारी नगरपालिका प्रमुख महेश थपलियाले नेपालकै समृद्ध नगरपालिका ललितपुर महानगर सँग भगिनी सम्बन्ध कायम गर्नु चैनपुरबासीको मात्रै नभई संखुवासभाकै लागि गौरवको विषय भएको बताए । कोशी प्रदेशका पूर्व आर्थिक मामिला मन्त्री तुलसी न्यौपानेले यो भगिनी सम्बन्ध जीवन्त रहोस् भन्दै शुभकामना दिएका छन् ।
नेकपा एमाले प्रचारप्रसार विभाग प्रमुख राजेन्द्र गौतमले ललितपुर महानगर र चैनपुर नगरपालिका बीचको भगिनी सम्बन्ध ऐतिहासिक भएको बताए । विकासका लागि स्थानिय तहहरु विच हातेमाले हुन आवश्यक रहेको भनाइ राखे । शाताव्दी पार गरेको महानगर सँग भर्खरै स्थापना नगरपालिकाले धेरै कुराहरु सिक्न सक्ने बताएका छन् ।

प्रकाशित मिति: बिहीबार, वैशाख २५, २०८२ १९:५०

प्रतिक्रिया दिनुहोस्