जिल्लास्तरीय खोरेत रोग नियन्त्रण रणनिती सम्बन्धि छलफल

समाज

गृहपृष्ठ
समाज
जिल्लास्तरीय खोरेत रोग नियन्त्रण रणनिती सम्बन्धि छलफल

जिल्लास्तरीय खोरेत रोग नियन्त्रण रणनिती सम्बन्धि छलफल

बिहीबार, जेठ १, २०८२ अरूण सन्देश

सङ्खुवासभा सदरमुकाम खाँदबारी जिल्लास्तरीय खोरेत रोग नियन्त्रण रणनिती कार्यन्वयन सम्बन्धि छलफल कार्यक्रम गरिएको छ । घर पलुवा पशुहरुमा लाग्ने खोरेत रोग नियन्त्रण गर्नका लागि भेटेरिनरी अस्पताल तथा पशु सेवा विज्ञ केन्द्र संखुवासभाको आयोजनामा खोरेत रोग नियन्त्रण रणनिती कार्यन्वयन सम्बन्धि जिल्लास्तरीय छलफल सम्पन्न भएको हो ।
खोरेत रोग नियन्त्रण रणनिती कार्यन्वयन सम्बन्धि जिल्लाका १० वटै स्थानीय तह सरोकारवाला निकाय तथा स्थानीय तहका जनप्रतिनिधि र पशु सेवामा आवद्ध कर्मचारी, कृषक व्यवसायीहरुको सहभागितामा छलफल कार्यक्रमको आयोजना गरिएको भेटेरिनरी अस्पताल तथा पशु सेवा विज्ञ केन्द्र संखुवासभाका प्रमुख हिमालय पोख्रेलले बताए । खोरेत रोग विषाणुबाट खुरफट्टा जनावरहरु जस्तै गाई,भैँसी,भेडा, बाख्रा, बंगुर आदी जनावरमा देखा पर्ने महामारीको रुपमा फैलने संक्रामक सरुवा रोग हो । कार्यक्रममा खोरेत रोगको लक्षण, बच्ने उपाय, समाधान र उपचारका विषयमा समेत छलफल गरिएको थियो रणनिती कार्यन्वयन छलफल कार्यक्रममा खोरेत रोग के हो, यसको नियन्त्रणकालागि के के गर्ने, कसरी गर्ने , कसले गर्ने लगायतका विषयमा व्यापक छलफल भएको प्रमुख पोख्रेलले बताए । कार्यक्रममा कोशी प्रदेश पशुपन्छी तथा मत्स्य विकास निर्देशक डाक्टर सुशिल अधिकारीले खोरेत रोग नियन्त्रणका उपाय, अपनाउनु पर्ने विधि लगायतका बारेमा सहभागीहरुलाई जानकारी दिएका थिए । कोशी प्रदेश सरकारले १४ वटै जिल्लामा रोरेत विरुद्ध खोप कार्यक्रम सञ्चालन गरिरहेको र इलाम जिल्लालाई उच्च प्राथमिकतामा राखेको निर्देशक अधिकारीले बताए ।
जिल्ला समन्वय समितिका प्रमुख सुमन शाक्यले घर पालुवा कुनै पनि पशुहरु बिरामी भएर वा रोगले ज्यान गुमाउनु नपरोस भन्दै खोरेत लगायतका अन्य कडा वा साधारण रोगको उपचार तत्काल नै गर्न र यसको उचित व्यवस्थापन स्थानीय तहसम्म हुनु पर्ने बताए । संखुवासभामा १२ बर्ष अघि खोरेत रोग देखा परेको भएपनि पछिल्लो सयम यो रोग जिल्लामा देखा परेको छैन । जिल्लामा यस बर्ष मात्र ६१ हजार पशुपन्छीहरुमा खोेत विरुद्धको रोप लगाइसकिएको पशु विज्ञ केन्द्र संखुवासभाले जनाएको छ । खोरेत रोग कोशी प्रदेशका झापा,मोरङ,सुनसरी,ओखलढुङ्गा, खोटाङ,उदयपुर र इलाममा देखा परेको थियो । खोरेत रोगका किटाणु हावाले अत्याधिक छिटो ६० किलोमिटरप्रति घण्टा फैलाउने, रोगी पशुहरूमा मासु दुध दुधजन्य पदार्थमा लामो समयसम्म किटाणु रहने जनावरमा समेत लाग्ने गरेको छ ।

प्रकाशित मिति: बिहीबार, जेठ १, २०८२ २०:३८

प्रतिक्रिया दिनुहोस्