छैटौँ मानेभञ्याङ कप फुटबल प्रतियोगिता भोलि देखि, २० टीमको सहभागिता रहने

खेलकुद

गृहपृष्ठ
खेलकुद
छैटौँ मानेभञ्याङ कप फुटबल प्रतियोगिता भोलि देखि, २० टीमको सहभागिता रहने

छैटौँ मानेभञ्याङ कप फुटबल प्रतियोगिता भोलि देखि, २० टीमको सहभागिता रहने

सोमबार, असोज २७, २०८२ अरूण सन्देश

खाँदबारी । सङ्खुवासभाको खाँदबारी नगरपालिका–३ मानेभञ्याङमा भोली देखि छैटौँ मानेभञ्याङ कप फुटबल प्रतियोगिता हुने भएको छ । एड्भान्स क्लब मानेभञ्याङको आयोजनामा भोलि २८ गतेदेखि कात्र्तिक १ गते सम्म प्रतियोगिता हुने भएको हो । छैटौँ मानेभञ्याङ कप २०८२ फुटबल प्रतियोगितामा जिल्लाका २० टीमको सहभागिता रहने आयोजकले पत्रकार सम्मेलनमार्फत जानकारी गराएको छ ।
सामाजिक सद्भावका लागि युवा एकता, विकृति विसंगतिका विरुद्ध खेलकुदद्वारा सहकार्यको प्रतिबद्धता भन्ने मूल नाराका साथ महेन्द्र माध्यमिक विद्यालयको खेल मैदानमा प्रतियोगिता हुने भएको हो । विजयी टिमले नगद एक लाख रुपैयाँ ट्रफि,मेडल प्रमाणपत्रले प्राप्त गर्नेछ । उपविजेताले नगद ५० हजार रुपैयाँ, सेमि फाइनालिष्ट दुई टिमलाई नगद २०/२० हजार रुपैयाँ सहित ट्रफि,मेडल प्रमाणपत्र प्राप्त गर्नेछन् ।
प्रतियोगितामा करिब रु ११ लाख ५० हजार रुपैयाँ खर्च हुने खेल संयोजक राज श्रेष्ठले जानकारी दिए । प्रतियोगिता सञ्चालनका लागि खाँदबारी नगरपालिका, ३ नं. वडा कार्यालय, उद्योगी, व्यापारी, व्यवसायी र बैदेशिक रोजगारीमा रहेकाहरुबाट सयोग संकलन गरिएको छ ।
एडभान्स क्लबले फुटबल खेलको विकास, आधुनिकीकरण र खेलाडीको व्यावासीकरण गर्ने उद्देश्यले २०६४ सालदेखि निरन्तर फुटबल प्रतियोगिता गर्दै आएको एड्भान्स क्लबका अध्यक्ष जिल्लामान राईले बताए । पूर्वी पहाडी जिल्लाको महत्वपूर्ण प्रतियोगिता रहेको र खेल क्षेत्रमा छुट्टै पहिचान बनाउन संखुवासभा जिल्लामा खेल महोत्सवका रूपमा छैटौँ मानेभञ्याङ कप फुटबल प्रतियोगिता सञ्चालन गर्न लागिएको अध्यक्ष राई बताउँछन् ।

प्रकाशित मिति: सोमबार, असोज २७, २०८२ १७:५१

प्रतिक्रिया दिनुहोस्