तीनपोखरी कप फुटबलको उपाधी सेकाहाले हातपार्‍यो

खेलकुद

गृहपृष्ठ
खेलकुद
तीनपोखरी कप फुटबलको उपाधी सेकाहाले हातपार्‍यो

तीनपोखरी कप फुटबलको उपाधी सेकाहाले हातपार्‍यो

बिहीबार, माघ १, २०८२ तीनपाेखरी कप फुटबल

खाँदबारी । तेस्रो तीनपोखरी कप फुटबल प्रतियोगिताको उपाधी सेकाहा सामुदायिक विकास क्लब सेकाहाले हात पारेको छ । विहिबार खाँदबारी रंगशालामा सम्पन्न प्रतियोगितामा मकालु फ्रेन्ड्स क्लब खाँदबारीलाई पाराजित गर्दै सेकाहाले उपाधी जितेको हो । २–१ गोल अन्तरमा मकालु पराजित भएको छ ।
जीवन मगरले मकालुका लागि पहिलो गोल खेलको छैठौं मिनेट गोल गरेर थिए । मकालुका उमेश कार्कीले प्रहार गरेको फ्रिकिक बललाई जीवनले हेडमार्फत हानेको बाल गोल हुन पुगेको थियो । तत्कालै आठौं मिनेटका मकालुका रोशन आचार्यले आत्माघाती गोल गरेछि खेल बराबरी हुन पुग्यो । खेलको २४ औं मिनेटमा अनिष राज धामीले गरेको गोलले सेकाहालाई अग्रता दियो । खेलको दोस्रो हाफमा भने खेल बराबरी भयो । मकालुका रोशनबाट आत्माघाती गोल उपहार पाउँदा सेकाहाले उपाधी जितेको छ । गत वर्षको विजेता झापाको चुलाचुली स्पोटिङ क्लब दमकलाई हराउँदै फाइनलमा प्रवेश गरेको सशक्त मकालु आत्माघाती गोलका कारण पराजित भएको हो ।
उपाधी विजेता सेकाहाले नगद २ लाख ५१ हजार रुपौयाँका साथमा सिल्ड र मेडल प्राप्त गरको छ । मकालुले नगद १ लाख २१ हजार रुपैयाँका साथा सिल्ड र मेडल सहित उपविजेतामा चित्त बुझाएको हो । बिजयीहरुलाई कोशी प्रदेश आर्थिक मामिला तथा योजना मन्त्री विदुर कुमार लिङ्थेप लगायतका अतिथिहरुले पुरस्कार वितरण गरेका गरे । प्रतियोगितामा सर्वाधिक गोलकर्ता मकालु फ्रेन्ड्सका जीवन मास्के मगर, उत्कृष्ट गोलरक्षक सेकाहाका प्रविण लिम्बू, सर्वाेत्कृष्ट खेलाडी सेकाहाका कृष्ण राई भएका छन् । त्यसैगरी सेकाहाका अनिष राज धामी फाइनल खेलको उत्कृष्ठ खेलाडी‘म्यान अफ द म्याच’ घोषित भए ।
माघी पर्वको अवरमाा तीनपोखरी समाज विकास क्लबको आयोजनामा प्रतियोगिता पुस २६ देखि माघ १ सम्म सञ्चालन भएको हो । प्रतियोगितामा कोशी प्रदेशको विभागिय एपिएफ फुटबल क्लब, पकली कोशी प्रदेश, बेलका युथ क्लब उदयपुर सहित ८ टिमको सहभागिता रहेको थियो ।

प्रकाशित मिति: बिहीबार, माघ १, २०८२ २१:०१

प्रतिक्रिया दिनुहोस्