हाङथुम कप फुटबल : इन्द्रेणीलाई हराउँँदै कोशी प्रदेश प्रहरीको विजय सुरुवात

खेलकुद

गृहपृष्ठ
खेलकुद
हाङथुम कप फुटबल : इन्द्रेणीलाई हराउँँदै कोशी प्रदेश प्रहरीको विजय सुरुवात

हाङथुम कप फुटबल : इन्द्रेणीलाई हराउँँदै कोशी प्रदेश प्रहरीको विजय सुरुवात

सोमबार, माघ ५, २०८२ अनिष विष्ट

४७ औं आमन्त्रित हाङथुम कप फुटबल प्रतियोगितामा कोशी प्रदेश प्रहरीले विजय सुरुवात गरेको छ । सोमबारबाट सङ्खुवासभाको मादी नगरपालिका–३ मा सुरु भएको प्रतियोगितामा इन्द्रेणी युवा क्लब फुङलिङ्ग सङ्खुवासभालाई ४–३ गोल अन्तरले हराउँदै प्रदेश प्रहरी विजयी भएको हो ।
निर्धारित समयमा दुवै टोलीबाट गोल हुन नसकेपछि निर्णयका लागी टाइव्रेकर रोजिएको थियो । इन्द्रेणीका सिसन जिमीले गरेको प्रहार गरेको टाइव्रेकरको पहिलो बल प्रहरीका गोलरक्षक सुरज शाक्य छेक्न सफल भए । प्रहरीका लागि रमेश राजवंशी, सौजन राई, समिर चोम्बाङ र विकास खवासको प्रहारले जाली चुम्यो । प्रहरीका सनम अधिकारीले प्रहार गरेको बल भने इन्द्रेणीका गोलरक्षक महेश लिङ्खाले रोकीदिए ।
इन्द्रेणीका विवेक गजमेर, देवराज गुरुङ, असोक याख्खा गोलले गरेपनि अभिसेक याख्खाले प्रहार गरेको बल पोलभन्दा बाहिर बाहिरियो । इन्द्रेणीका अभिसेक र सिसनले प्रहार गरेको बल गोल हुन नसक्दा इन्द्रेणीले हार व्यहोर्नु पर्‍यो । खेलमा म्यान अफ म्याज प्रहरीका गोल रक्षक सुरज शाक्य घोषित भए ।
प्रतियोगितामा भारतको दुधे फुटबल क्लब दार्जिलिङङ, कोशी प्रदेश प्रहरी विराटनगर, लिुखु भुजी रामेछाप युवा क्लब रामेछाप सहित ८ टोलीको सहभागि छन् । मंगलबार इन्द्रेणी क्लब बराहक्षेत्र सुनसरी र म्याङ्लुङ स्पोर्टिङ्ग क्लब तेह्रथुम विच खेल हुनेछ ।
प्रतियोगिताको विजेता टिमले नगद २ लाख ४२ हजार रुपैयाँ र उपविजेताले १ लाख २१ हजार रुपैयाँका साथमा ट्रफि र मेडल प्राप्त गर्नेछन् । प्रतियोगिता माघ १० सम्म सञ्चालन हुने छ ।

प्रकाशित मिति: सोमबार, माघ ५, २०८२ १९:५९

प्रतिक्रिया दिनुहोस्