कुकुरको टोकाइबाट खानेपानी मिटर रिडर घाइते

समाज

गृहपृष्ठ
समाज
कुकुरको टोकाइबाट खानेपानी मिटर रिडर घाइते

कुकुरको टोकाइबाट खानेपानी मिटर रिडर घाइते

सोमबार, चैत १६, २०८२ अरूण सन्देश

खाँदबारी । खाँदवारी खानेपानी उपभोक्ता समितिका मिटर रिडर रोशन खनाल खानेपानी उपभोक्ताको घरमा पालेको कुकुरले टोकेर सख्त घाइते भएका छन् । खाँदबारी नगरपालिका–८ उपभोक्ता रविन्द्रनाथ खनालको घरमा खानेपानीको मिटर रिडिङ्ग गर्न गएका मिटर रिडर खनाललाई रविन्द्रनाथको कुकुरले टोकेर सख्त घाइते भएका हुन् । कुकुरले दाहिने पिडौलामा गहिरो घाउ हुने गरी टोकेको घाइते मिटर रिडर खनालले जानकारी दिए । घाउबाट अत्यधिक रक्तस्राव भएकाले शिथिल अवस्था उनले बताए । रविन्द्रको कुकुरले यस अघि पनि छिमेकीहरु निर्जला खनाल, भीमकुमारी विश्वकर्मा, डिल्लि बस्नेत लगायत थुप्रै जनालाई टोकेर घाइते बनाइसकेको स्थनियले बताए । खनालको सोही कुकुरले टोकेको घटनालाई लिएर केही वर्ष अगाडि जिल्ला प्रहरी कार्यालयमा भएको छलफलमा कुकुर मालिकले कुकुर नियन्त्रण/व्यवस्थापन गर्ने शर्तमा मिलापत्र गरिएको भए पनि रविन्द्रनाथ खनालको हेपाहा प्रवृत्तिका कारण आजसम्म कुकुर व्यवस्थापन नगरेको स्थायिन बताउँछन् । जसका कारण रविन्द्रनाथको कुकुरले बटुवाहरुलाई टोकेर घाइते बनाउने गरेका घटना दोहोरिने, तेहोरिने गरेको छ । रविन्द्रनाथको घर छेउको बाटो भएर स्थानीय छिमेकी, अन्य बटुवा बाहेक पनि आदर्श माध्यमिक विद्यालय पिप्लेका विद्यार्थीहरु दिनहुँ ओहोर दोहोर गर्ने गर्छन् । त्यसैले पिप्लेको खनाल टोलका बासिन्दाहरुले पटक पटक घटना दोहोरिँदा पनि कुकुर मालिक रविन्द्रनाथ खनालले यस किसिमका घटनालाई गम्भीरतापूर्वक नलिएकाले प्रशासनबाट उचित कारवाही हुन पर्ने माग गर्दै आएका छन् ।

प्रकाशित मिति: सोमबार, चैत १६, २०८२ २१:०३

प्रतिक्रिया दिनुहोस्