खाँदबारी खानेपानी उपभोत्ता समितिले बैठक भत्ता नलिने

समाज

गृहपृष्ठ
समाज
खाँदबारी खानेपानी उपभोत्ता समितिले बैठक भत्ता नलिने

खाँदबारी खानेपानी उपभोत्ता समितिले बैठक भत्ता नलिने

बुधबार, असार ६, २०८० अरूण सन्देश

संखुवासभा । खाँदबारी खानेपानी उपभोत्ता समितिको बैठकले समिति पदाधिकारीहरुले बैठक भत्ता नलिने निर्णय गरेका छ । समितिको आज बसेको बैठकले बैठकले भत्ता र बैठकमा आउँदाको यातायत खर्च नलिने निर्णय गरेको तदर्थ समितिका अध्यक्ष दिव्य बरालले जानकारी दिए ।
यस अघिको समितिले मासिक कम्तीमा ४ देखी ९ वटा सम्म बैठक बसेर भत्ता बुझ्ने गरेको थियो । पदाधिकारीले प्रति बैठक एक हजार रुपैयाँ र दुरी अनुसार यातायत खर्च समेत लिने गरेको समितिको कार्यलयले जनाएको छ । खानेपानी नियमित गर्न नसकेर असफल भएको समितिले मासिक ९ वटा सम्म बैठक भत्ता र यातायत खर्च लिदा समितिलाई आर्थिक बोझ थपिएको थियो । मांसिमाबाट ल्याएको खानेपानी २०७६ साउन २७ खानेपानी अवरुद्ध भएपनि फजुल भत्ताले समितिमा श्रृण अझ थपिएको थियो । पुरानै खानेपानी आयोजनाको भर रहेको खाँदबारी खानेपानी उपभोत्ता समितिले उपभोत्तालाई पानि खुवाउनु पर्ने दायित्वबाट पन्छिएपछि उपभोत्ता मारमा पर्दै आए थिए ।
पुरानो समिति विगठन गरि वनेको नयाँ तदर्थ समितिको बुधबार बसेको बैठकले खाँदबारी नगरपालिकाका लेखा अधिकृत रुद्रमणि श्रेष्ठको संयोजकत्वमा सार्वजनिक लेखा परिक्षण समिति निर्माण गरेको छ । समितिमा जिल्ला प्रशासन कार्यालयको प्रतिनिधी, कोष तथा लेखा नियन्त्रक कार्यालय संखुवासभाका प्रतिनिधी र उपभोत्ता समितिका दुइ जना सदस्य सहितको लेखा परिक्षण समिति बनाएको अध्यक्ष बरालले जानकारी दिए । समितिको बैठकले नगरविकास कोषबाट दिएको ऋण मिनहाका लागि अनुरोध गर्ने निर्णय समेत गरेको छ । समितिले हाल सम्मे ४ कोरड १९ लाख रुपैयाँ ऋण तिरेको छ । समितिले अझै २१ करोड रुपैयाँ ऋण तिरर्न बाँकी छ । मांसिमाको खानेपानी मर्मतका लागि उत्तर दक्षिण कोशी सडक आयोजनामा आएको १५ करोड रुपैयाँको काम गर्न प्रदेश स्तरिय खानेपानी डिभिजन मार्फत काम गर्न अनुरोध गर्ने निर्णय समेत गरिएको अध्यक्ष बरालले बताए । त्यसैगरी तत्कालका लागि पानी व्यवस्थापन गर्न खाँदबारी आसपास नयाँ मुहान प्राप्तीका लागि पहल गर्ने निर्णय समेत समितिले गरेको छ ।
खाँदबारी नगरपालिकाले गरेको निर्णय अनुसार साउन बाट खानेपानी महसुलमा ५० छुट दिने निर्णय समेत गरेको छ । अहिले न्युनतम ५ हजार लिटरको २ सय ३० रुपैयाँ सहसुल असुल्दै आएको छ ।

प्रकाशित मिति: बुधबार, असार ६, २०८० १९:१६

प्रतिक्रिया दिनुहोस्