संखुवासभाको चैनपुर नगरपालिकाको सार्वजनिक सुनुवाई सम्पन्न

अर्थतन्त्र

गृहपृष्ठ
अर्थतन्त्र
संखुवासभाको चैनपुर नगरपालिकाको सार्वजनिक सुनुवाई सम्पन्न

संखुवासभाको चैनपुर नगरपालिकाको सार्वजनिक सुनुवाई सम्पन्न

शनिबार, वैशाख १३, २०८२ अरूण सन्देश

चैनपुर । सङ्खुवासभाको चैनपुर नगरपालिकाको सार्वजनिक सुनुवाई सम्पन्न भएको छ । चैनपुर गरपालिकाको आयोजनामा सम्पन्न सार्वजनिक सुनुवाई अरुण सन्देश सञ्चारले सहजीकरण गरेको हो । शनिबार चैनपुर बजारमा रहेको दिलकुमारी स्मृति सभाहलमा नगरको विकास निर्माण, सुशासन र सेवाप्रवाहका बारेमा सार्वजनिक सुनुवाई गरेको हो ।
आर्थिक बर्ष २०८१/०८२ को गत श्रावण देखि चैत महिनासम्मका नगर परिषदबाट पारित नीति तथा कार्यक्रम, नगरले दिइरहेको सेवाप्रवाह, पारदर्शी, उत्तरदायी र जवाफदेही बनाउन, नीति,योजना तथा कार्यक्रम कार्यान्वयन प्रक्रिया, प्राप्त उपलब्धी जिज्ञासा र गुनासो बारेमा सवाल जवाफ गर्ने उद्धेश्यले चैनपुर नगरपालिकाले सार्वजनिक सुनुवाई कार्यक्रमको आयोजना गरेको हो । नगरपालिकाकालाई जिम्मेवार बनाउने उद्धेश्यले हाम्रो कमीकमजोरी बारेमा राय लिनका लागि नै सार्वजनिक सुनुवाई कार्यक्रमको आयोजना गरिएको चैनपुर नगरपालिका नगरप्रमुख कृष्ण कुमार तामाङले बताए । नगरभित्रका र नगरपालिकासँग सम्वन्धित जुनसुकै बिषयमा आफ्नो जिज्ञासा राख्न र सम्वन्धित जिम्मेवार ब्यक्तिहरुबाट सुझावको अपेक्षा गरि कार्यक्रमको आयोजना गरिएको नगर प्रमुख तामाङले बताएका छन् । कार्यक्रममा बोल्दै जिल्ला समन्वय समितिका प्रमुख कार्यक्रमका प्रमुख अतिथि सुमन शाक्यले सेवा प्रवाह र विकास निर्माणका कार्यहरुको पारदर्शीताको लागि आज चुनौतरी सिर्जना भएको बेला सार्वजनिक सुनुवाईले सुशासन कायम गर्न सहजता भएको बताए ।
चैनपुर नगर क्षेत्रका स्थानीय बासिन्दाहरुले विभिन्न क्षेत्रका बारेमा जिज्ञासा तथा प्रश्न गरेका थिए । चैनपुर खानेपानी, फोहोरमैला ब्यवस्थापन, सडक आयोजना, विद्यालय क्षेत्रमा भएका समस्या, राजश्व,कर वृद्धि सुशासन र सेवाप्रवाहका बारेमा नागरिकहरुले प्रश्न गरेका थिए । नगरक्षेत्रको बिकासका लागि भईरहेका कामहरु के कसरी अगाडि बढिरहेको, लक्षको तुलनामा उपलब्धी र प्रगतिहरु के कस्ता रहेका छन, नगरले राखेका भावी योजना, समस्या चुनौती र संभावनाका बारेमा उठेका जिज्ञासा र प्रश्नहरु गरेका थिए ।
चैनपुर गरपालिकाका प्रमुख प्रशासकिय अधिकृत ओमकार प्रसाद न्यौपाने नगरपालिको सार्वजनिक सेवा प्रवाह बारे जानकारी जानकारी गराए । त्यसैगरी कार्यक्रममा चैनपुर गरपालिकाका उपप्रमुख एलिन श्रेष्ठले स्वागत मनतव्य सहित कार्यक्रमको औचित्यका बारेमा प्रकाश पारेकि थिइन् ।

प्रकाशित मिति: शनिबार, वैशाख १३, २०८२ २१:०८

प्रतिक्रिया दिनुहोस्