सभाखोलामा नुहाउन गएकी बालिकाको खोलाले बगाएर मृत्यु

समाज

गृहपृष्ठ
समाज
सभाखोलामा नुहाउन गएकी बालिकाको खोलाले बगाएर मृत्यु

सभाखोलामा नुहाउन गएकी बालिकाको खोलाले बगाएर मृत्यु

मंगलबार, साउन ५, २०८३ अरूण सन्देश

सङ्खुवासभाको सभापोखरी गाउँपालिका–६ स्थित सभाखोलामा नुहाउने क्रममा खोलाले बगाउँदा एक बालिकाको मृत्यु भएको छ। मंगलबार दिउँसो करिब २:४५ बजे नुहाउने क्रममा खोलाले बगाएर बेपत्ता भएकी सभापोखरी गाउँपालिका–३ निवासी १२ वर्षीया जानकी लिम्बू मृत अवस्थामा फेला परेको जिल्ला प्रहरी कार्यालय सङ्खुवासभाका प्रहरी निरीक्षक धनबहादुर राजवंशीले जानकारी दिए।
प्रहरीका अनुसार, खोजी गर्ने क्रममा जानकीको शव दिव्यश्वरी हाइड्रोपावरको ड्याम छेउमा ढुंगामा अड्किएको अवस्थामा फेला परेको थियो। त्यसपछि प्रहरी र स्थानीयवासीको सहयोगमा शव बाहिर निकालिएको हो। घटनाबारे प्रहरीले थप आवश्यक अनुसन्धान गरिरहेको जनाएको छ।

प्रकाशित मिति: मंगलबार, साउन ५, २०८३ १७:१७

प्रतिक्रिया दिनुहोस्