आज देखि सिलिचोङ गाउँपालिमा राष्ट्रिय परिचय पत्र शिविर हुँदै

समाज

गृहपृष्ठ
समाज
आज देखि सिलिचोङ गाउँपालिमा राष्ट्रिय परिचय पत्र शिविर हुँदै

आज देखि सिलिचोङ गाउँपालिमा राष्ट्रिय परिचय पत्र शिविर हुँदै

शुक्रबार, वैशाख १२, २०८२ अरूण सन्देश

सङ्खुवासभा । जिल्लामा राष्ट्रिय परिचय पत्रको छुट लगत संकलन तथा वितरण हुने भएको छ । जिल्ला प्रशासन कार्यालयले सिलीचोङ गाउँपालिका राष्ट्रिय परिचय पत्रको छुट लगत संकलन तथा छापिएका परिचयपत्र वितरण शुक्रबारबाट गर्ने भएको छ । पहिलो चरणमा सिलीचोङ गाउँपालिकाको तीन स्थानमा हुने शिविरका लागि टोली प्रस्थान गरेको हो ।
अघिल्लो राष्ट्रिय शिविरमा छुटेकोहरुको लगत संकलन र जिल्लामा प्राप्त भएका परिचय पत्र वितरण गरिने गरि शिविर सञ्चालन गर्न लागिएको प्रमुख जिल्ला अधिकारी दिव्यराज पोख्रेलले जानकारी गराए । टोलीले सिलिचोङको याफु, ताम्कु र बाला (बुधबारे)बाट तीन/तीन दिनको सेवा प्रदान गर्नेछ ।
बैशाख १२ देखि १४ गतेसम्म याफु स्थित वडा कार्यालय, १५ गतेदेखि १७ गतेसम्म ताम्कु र १८ देखि २० गतेसम्म बाला स्थित बुधबारे बजारमा शिविर सञ्चालन हुने राष्ट्रिय परिचय पत्र तथा व्यवस्थापन कक्ष खाँदबारीका प्रमुख आसा लिम्बुले जानकारी दिइन् । शिविरमा तीन सय जनाबढीको सिलीचोङको कार्ड समेत वितरण गरिनेछ । २०७६ असोज सम्म लगत संकलनकाहरुको पचिरय पत्र वितरण गर्न लागिएको हो ।
जिल्ला प्रशासन कार्यालयका नायव सुब्बा सुजित शाहको नेतृत्वमा ४ जना कर्मचारी र एक प्रहरी उक्त शिविरका लागि विहिबार सिलीचोङ प्रस्थान गरेको छ । सिलीचोङ गाउँपालिकाका एमआईएस अपरेटर रमेश चाम्लिङको नृत्वमा वडाका कर्मचारीहरु रहने जनाईएको छ ।
जिल्लासम्म आउन नसक्ने जेष्ठ नागरिक, अपाङ्गहरुलाई सहज बनाउन शिविर सञ्चालन गरिएको प्रमुख जिल्ला अधिकारी पोखरेलले बताए । सिलीचोङको सम्पन्न भएपछि मकालु, चिचिला र सभापोखरीमा सञ्चालन हुने छ । भौगोलिक विकट भएको स्थानमा सरकारले अनिवार्य बनाएको राष्ट्रिय परिचय पत्र नभएकै कारण सेवा लिनबाट बन्चित नहोस भनेर यो शिविर सञ्चालन गरिएको हो ।

प्रकाशित मिति: शुक्रबार, वैशाख १२, २०८२ ०६:५०

प्रतिक्रिया दिनुहोस्