खाँदबारी रन : विभागीय तर्फ नेपाली सेना विजयी

खेलकुद

गृहपृष्ठ
खेलकुद
खाँदबारी रन : विभागीय तर्फ नेपाली सेना विजयी

खाँदबारी रन : विभागीय तर्फ नेपाली सेना विजयी

सङ्खुवासभा । पर्यटन प्रवद्र्धनका लागि खाँदबारी युथ क्लबले ‘खाँदबारी रन’ खुल्ला दौड प्रतियोगिता गरेको छ । आइतबार घटस्थापनाका दिन आयोजना गरिएको प्रतियोगितामा दुइ सय ९५ जनाको सहभागिता रहेको थियो ।
वडा दसैंको अवसरमा सञ्चालन हुन लागेको प्रतियोगितामा विभागीय पुरुष तर्फ प्रथम, खुल्ला पुरुष र खुल्ला महिला टिम प्रतिस्प्रर्धा रहेको थियो । विभागीय पुरुष तर्फ विजयी सुर्यबहादुर रोकाय, उपविजेता नविन खड्का र तृतिय सुजन विश्वकर्मा भएका छन् । तीनै जना नेपाली सेना हुन् । खुल्ला पुरुष तर्फ विजेता प्रशान राई, उपविजेता मेघराज राई र तृतिय स्काई फियाक भएका छन् । त्यसैगरी महिला तर्फ विजेता सुनकला राई, उपविजेता निला जिमी र तृतिय निलम विष्ट भएका छन् । प्रतियोगिताका विजेताले नगद ७÷७ हजार रुपैयाँ, उपविजेताले नगद ५÷५ हजार रुपैयाँ र तृतीयले नगद ३÷३ हजार रुपैयाँ सहित मेडल र प्रमाणपत्र प्राप्त गरेका छन् ।
बिभागिय पुरुष टिमका लागि खाँदबारी टुडिखेलबाट खाँदबारी ३ स्थीत ठुलोढुङ्गा पुगि लबिङ्गहिलको मार्ग हुँदै खाँदबारी टुडिखेल, खुल्ल पुरुष टिमका लागि खाँदबारी टुडिखेल हुँदै खाँदबारी ३ स्थीत चेवा झर्ने बाटो पुगि लबिङ्ग हिलको मार्ग हुँदै खाँदबारी टुडिखेल आइपुगेका थिए । खुल्ला महिला टिम खाँदबारी १ टुडिखेलबाट खाँदबारी ३ स्थीत मंगलादेविथानपुगि लबिङ्ग हिलको मार्ग हुँदै खाँदबारी टुडिखेल आइपुगेको खाँदबारी युथ क्लबका कार्यबहाक अध्यक्ष मुनुहाङ गुरुङले जानकारी दिए ।
युथ क्लवले खाँदबारीको पर्यटन प्रवर्धनका लागि फुटबल प्रतियोगिता, नगरको सरसफाई, बजारको सुरक्षाका लागि सिसि क्यामेरा जडान सहिति विभिन्न खेलकुद प्रतियोगिता साथै अन्य बिभिन्न साँस्कृतिकहरु गर्दैआएको छ ।