अरुण भ्याली भेटेरेन्स फुटबल उपाधि मिरमिरे क्लबलाई

खेलकुद

गृहपृष्ठ
खेलकुद
अरुण भ्याली भेटेरेन्स फुटबल उपाधि मिरमिरे क्लबलाई

अरुण भ्याली भेटेरेन्स फुटबल उपाधि मिरमिरे क्लबलाई

आइतबार, चैत २७, २०७८ मनिषा कार्की

खाँदबारी । संखुवासभाको खाँदबारी नगरपालिका ३ मानेभञ्याङको खेल मैदानमा जारी दोस्रो अरुण भ्याली भेटेरेन्स फुटबल प्रतियोगिताको उपाधि मिरमिरे क्लब तामाफोकले हातपारेको छ । आइतबार भएको फाइनल खेलमा टाइबे्रकरमा मिरमिरेले आयोजक एडभान्स क्लव मानेभञ्याङलाई हराउँदै उपाधि जितेको हो ।
खेल बराबरी भएपछि टाइब्रेकरमा विजेताले ५ र उपविजेता टिमले ४ गोल गरेका थिए । एडभान्स क्लव मानेभञ्याङको आयोजनामा बिहीबार बाट सुरु दोस्रो अरुण भ्याली भेटेरेन्स फुटबल प्रतियोगिताको विजेताले नगद ८५ हजार रुपैयाँ प्राप्त गरेको छ । उपविजेता एडभान्स क्लबले नगद ५० हजार रुपैयाँ प्राप्त गरेको छ ।सेमिफाइनलिस्ट चैनपुर समाज सेवा क्लब चैनपुुर र लोहोरुङ क्लब पांमाले नगद १५÷१५ हजार रुपैयाँ हाँसिल गरेका छन् । वितेताहरुलाई प्रमुख अतिथि प्रमुख जिल्ला अधिकारी नुरहरी खतिवडाले पुरस्कार वितरण गरेका छन् । प्रतियोगितामा जिल्लाका १२ टिमको सहभागिता रहेको थियो ।
प्रतियोगितामा उत्कृठ खेलाडी मिरमिरेका राजकुमार राई, सर्वाधिक गोलकर्ता एडमान्सका दिपक चौहान र उत्कृष्ठ गोलरक्षक मिरमिरेका सुमन थापा घोषित भएका छन् । समापन समारोहका अवसरमा खेल सञ्चालन सहयोगीहरुलाई सम्मान गरिएको थियो ।