गणित विषय सुधारका लागि संखुवासभाका १० वटै स्थानीय तहमा जापान सरकारको प्राविधिक सहयोग

समाज

गृहपृष्ठ
समाज
गणित विषय सुधारका लागि संखुवासभाका १० वटै स्थानीय तहमा जापान सरकारको प्राविधिक सहयोग

गणित विषय सुधारका लागि संखुवासभाका १० वटै स्थानीय तहमा जापान सरकारको प्राविधिक सहयोग

बुधबार, भदौ २६, २०८१ भविन कार्की

संखुवासभाका १० वटै स्थानीय तहमा गणित विषय सुधारका लागि जापान सरकारको जाइका आइविएसी परियोजना सञ्चालन हुने भएको छ । जापान सरकारको जाइका परियोजनाले जिल्लाका १० वटै स्थानीय तहका कक्षा १ देखि ३ सम्मका विद्यार्थीलाई गणित बिषयमा दक्ष बनाउन जाइका परियोजना सञ्चालन हुने भएको हो । जापान सरकारको जाइका आइविएस परियोजनाले आज शिक्षा विकास तथा समन्वय इकाइ संखुवासभामा एक कार्यक्रमका बीच प्राथमिक तहमा गणित विषय सुधारका लागि प्राविधिक सहयोग गरने बताएको छ । कार्यक्रममा बोल्दै जिल्ला समन्वय समितीका प्रमुख सुमन शाक्यले गणित बिषयलाई प्राथमिक तह देखिनै सुधार गरेर लैजान जाइकाले गरेको प्राविधिक सहयोगले आगामी दिनमा शैक्षिक सुधारमा महत्वपूर्ण भूमिका रहने बताए । पछिल्लो समयमा विषय गत शिक्षक नभए पनि भौगोलिक विकटकताका कारण विद्यालय मर्ज हुन नसकेको प्रमुख शाक्यले बताए ।
जिल्लाका १० वटै स्थानीय तहका कक्षा १ देखि ३ सम्मका विद्यार्थीलाई गणित बिषयमा दक्ष बनाउन जापान सरकारको जाइका आइविएसी परियोजना सञ्चालन गर्ने परियोजनाका जिल्ला संयोजक विनयबाबु ढकालले बताए । जाइकाले कक्षा १ देखि ३ सम्मका विद्यार्थीलाई गुणस्तरीय शिक्षा र गणित बिषयमा दक्ष बनाउन पाँच बर्ष प्राविधिक सहयोगका लागि परियोजना सञ्चालन गर्ने परियोजनाका जिल्ला संयोजक ढकालले बताए । यो कार्यक्रममा दसैं अघि देखि १० वटै पालिकामा एक/ एक विद्यालय छनौट गरेर सुरु गरिने शिक्षा विकास तथा समन्वय इकाईको संखुवासभाका प्रमुख गोमालमान भण्डारीले बताए । पाँच बर्ष भित्र जिल्लाका सबै स्थानीय तहमा सञ्चालन हुने उनकाे भनाइ छ । कार्यक्रममा १० वटै स्थानीय तहका शिक्षा शाखाका प्रमुख तथह प्रतिनिधिहरुको उपस्थिती रहेको थियो

प्रकाशित मिति: बुधबार, भदौ २६, २०८१ १२:२८

प्रतिक्रिया दिनुहोस्