खाँदबारीका नगरप्रमुखलाई कार्यपालिका सदस्यहरुको ३ बुँदे ध्यानाकर्षण, कार्यपालिका बैठक स्थागित

स्थानीय तह

गृहपृष्ठ
स्थानीय तह
खाँदबारीका नगरप्रमुखलाई कार्यपालिका सदस्यहरुको ३ बुँदे ध्यानाकर्षण, कार्यपालिका बैठक स्थागित

खाँदबारीका नगरप्रमुखलाई कार्यपालिका सदस्यहरुको ३ बुँदे ध्यानाकर्षण, कार्यपालिका बैठक स्थागित

मंगलबार, माघ १५, २०८१ अनिष विष्ट

खाँदबारी । सङ्खुवासभा जिल्लाको खाँदबारी नगरपालिकाका पदाधिकारीहरुले कार्यपालिकाबाट निर्णय नभएको विषयहरु सार्वजनिक भएको भन्दै नगर प्रमुख महेश थपलियालाई ध्याकर्षण पत्र बुझाएका छन् । उपप्रमुख महेश्वरा बज्राचार्य, ११ वटै वडाका वडाअध्यक्ष सहितका कार्यापालिका सदस्यहरुले नगर प्रमुखबाट भएका निर्णयहरु तत्काल सच्याउन माग गरेका छन् । नगर प्रमुखको अगुवाई तथा नेतृत्वमा भएका कामकार्वाही बारे स्पष्ट नपारे सम्म कार्यपालिकाको बैठक चल्न दिने कार्यपालिका सदस्यहरुले ध्याकर्षणपत्रमा उल्लेख गरेका छन् ।
मेयर थपलियाले कार्यपालिकाको साझा सहमतिविना समसामयिक विषयमा गरिएको निर्णयहरुको विरोध गर्दै ध्याकर्षण पत्र बुझाएका हुन् । माघ ८ गते पठाएको पत्रमा खाँदवारी नगरपालिकाको २९ औ स्थापiना दिवस माघ १८ भएपनि माघ २० गते गर्ने भन्दै कार्यक्रम तय गरी विभुषण वितरण समितिको निर्णय विना नगर प्रमुखले एकलौटी पत्रचार गरेको प्रति असहमी जनाउँदै ध्यानकर्षण गराएका हुन् । उनिहरुले स्थापना दिवस माघ १८ मा नै गर्नु पर्ने माग गरेका छन् ।
त्यसैगरी पुस २९ गतेको पत्रमा कार्यपालिकाको निर्णय भन्दै ‘मनकामनाधाममा मनकामना देवीको मन्दिर निमार्ण समिति’ विघटन गरि नयाँ समिति गठन गरेकाले त्यसलाई सच्याउन माग गरेका हुन् । गत वर्षको फागुन ११ गते सुजनकुमार श्रेष्ठ संयोजक रहेको मनकामनााधाममा मनकामना देवीको मन्दिर निर्माण समिति निमार्ण गरिएको थियो । त्यस ११ सदस्यीय समितिले सन्तोषजनक कार्य नगरेको भन्दै सो समितिलाई विघठन गरी नगरप्रमुखको अध्यक्षतामा समिति सदस्य तथा पदाधिकारीहरु पुनर्गठन गरिएको भनि नयाँ समितिका सदस्यहरुलाई पुस २९ गते मनोनयन गरेको पत्र पठाइएको थियो । वडा अध्यक्षहरु भरतकुमार घिमिरे, निरञ्जन श्रेष्ठ र विमलराज गौतम सहितिका सदस्यहरुलाई सन्तोषजनक कार्य नगरेको भन्दै समितिबाट हटाइएको थियो । नयाँ समितिमा सदस्यमा चयन गरिएका सुजन कुमार श्रेष्ठ सन्तोषजनक कार्य नगरेको भनि विघठन गरिएको पुरानो समितिको संयोजक पदमा थिए । सन्तोषजनक कार्य नगर्ने संयोजकलाई समितिलाई पुनः नयाँ समितिमा राखिएको छ । नयाँ समितिको सदस्यहरुमा पुरानै समितिका केही सदस्यहरु दोहोरिएका छन् ।
मनकामनाधाममा मनकामना देवीको मन्दिर निमार्ण समिति परिच्छेद–६ को दफा १२(७) मा विधानमा उल्लेखित कुनै दफा संशोधन गर्नु परेमा नगर कार्यापालिकाको बैठकबाट स्वीकृति लिई कर्या समतिले संशोधन गर्न सक्ने भनिएको छ । तर विधान नै संसोधन नगरि मेयर थपलियाले आफ्नै अध्यक्षतामा समिति पुनर्गठन गरेका थिए । मेयर थपलियाले हस्ताक्षर गरेको विधानको परिच्छेद २ को दफा ४(२) मा समितिकाो पदाधिकारीहरुको पदावधि ४ वर्षको हुने प्रस्ट उल्लेख गरिएको छ । त्यसैगरी सोही दाफामा आवश्यकता अनुसार समितिको अनुरोधमा नगरपालिकाद्धारा पदावधि थप हुन सक्नेछ भनिएको छ । तर विधान विपरित समिति विगठन गरिएपछि मेयरको निर्णय प्रति उपमेयर, वडा अध्यक्षहरु सहित कार्यपालिकाहरुले विरोध जनाएका हुन् । तर मेयर थपालियाले भने–संयोजक सुजन कुमार श्रेष्ठले १७ महिना भित्र एउटा बैठक पनि राख्न नसकेको बताए । सो समितिबाट काम हुन नसके पछि संयोजकको सल्लाह अनुसार नै समिति विघठन गरिएको मेयर थपालियाको भनाई छ ।
त्यस्तै कार्यपालिको निर्णय भन्दै मांसीमा खानेपानीको समिति पुर्नगठन गरि नगर प्रमुख वाट भएको निर्णय पत्रचार सच्याउनु पर्ने माग गरेका छन् । केहि दिन अगाडि खानेपानीको नयाँ समिति पुर्नगठन गरिएको थियो ।
ध्याकर्षण पत्रमा गत पुस ३ गतेको कार्यपालिका बैठकमा पेश भएको एजेण्डाहरुमा छलफल तथा निर्णय नभएको विषय कार्यपालिका बैठकबाट कसरी प्रमाणकिरण भयो भनेर प्रश्न गरेका छन् । कार्यपालिकाको साझा सहमतीविना कसरी निर्णय भयो, कस्को निर्देशनमा भएको यसरी खाँदवारी नगरपालिकाको समसामयिक विषयमा व्यापक रुपमा सामाजीक सज्जालमा कुरा उठान भैरहेको भन्दै मेयरलाई कार्यपालिका सदस्यहरुले ध्यानाआकर्षण गराएका हुन् । कार्यापालिका सदस्यहरु बैठकमा उपस्थिति नभएपछि मंगलबार (आज) बोलाईएको कार्यपालिका बैठक समेत बस्न सकेन ।

प्रकाशित मिति: मंगलबार, माघ १५, २०८१ २१:१०

प्रतिक्रिया दिनुहोस्