बालगृहका बालबालिकालाई ब्याडमिन्टन खेलाडीको आर्थिक सहयोग

समाज

गृहपृष्ठ
समाज
बालगृहका बालबालिकालाई ब्याडमिन्टन खेलाडीको आर्थिक सहयोग

बालगृहका बालबालिकालाई ब्याडमिन्टन खेलाडीको आर्थिक सहयोग

बुधबार, चैत ६, २०८१ भविन कार्की

सङ्खुवासभाको खाँदबारी नगपालिका –७ मा रहेको बाल कल्याण गृहका बालबालिकालाई आर्थिक सहयोग प्राप्त भएको छ । मादी नगरपालिकामा चैत ३ गते सम्पन्न चौँथो राष्ट्रिय खुला ब्याडमिन्टन प्रतियोगिताको विजेता ब्याडमिन्टनका राष्ट्रिय खेलाडी संखुवासभाको खाँदबारी –३ गुवाबारीका सुनिलजंग कार्की र ब्याडमिन्टनका खेलाडी भोजपुरका विशाल तामाङले बाल गृहका बालबालिकालाई नगद ७ हजार रुपैयाँ बाल गृह सञ्चालनका लागि हस्तान्तरण गरेका हुन् ।

१० जना बालबालिका रहेको बाल गृह सञ्चालनका लागि सो रकम हस्तान्तरण गरेको ब्याडमिन्टनका राष्ट्रिय खेलाडी सुनिलजंग कार्कीले बताए । ब्याडमिन्टनका राष्ट्रिय खेलाडी कार्की र तामाङको जोडीले मादीमा पुरुष डबल ए डिभिजनमा प्रथम स्थान हासिल गरेका थिए । कार्की र तामाङको जोडीले नगद ७५ हजार रुपैयाँ प्राप्त गरेका थियो । पुरस्कार बापतको केही अंश रकममध्ये अनाथ बालबालिकाहरुलाई सहयोग गरेको राष्ट्रिय खेलाडी कार्कीले बताए । मकालु त्रिशक्ति समुह(माट्स नेपाल) द्धारा सञ्चालित बाल गृह सञ्चालनमा आर्थिक अभाव हुँदा बालबालिकाको अध्ययन र व्यवस्थापनमा समस्या हुने गरेको बाल गृहका संयोजक नविन दाहालले बताए । भाडाको घरमा सञ्चालित बाल गृहमा बेलाबेला जिल्ला प्रहरी कार्यालयबाट हराएका बालबालिका फेला पर्दा बाल गृहमै पठाउँदा राख्न समेत समस्या हुने गरेको उनको भनाइ छ । आर्थिक अभाव भएका कारण थप अनाथ बालबालिकाहरुलाई बाल गृहमा राख्न गाह्रो भएको माट्स नेपालले जनाएको छ ।

प्रकाशित मिति: बुधबार, चैत ६, २०८१ ०७:२४

प्रतिक्रिया दिनुहोस्