आत्मसमिक्षा सहित सच्चिएका छौं, विश्वास गर्नुहोस् : दाहाल

राजनीति

गृहपृष्ठ
राजनीति
आत्मसमिक्षा सहित सच्चिएका छौं, विश्वास गर्नुहोस् : दाहाल

आत्मसमिक्षा सहित सच्चिएका छौं, विश्वास गर्नुहोस् : दाहाल

शुक्रबार, पुस १८, २०८२ अरूण सन्देश

खाँदबारी । नेपाली कम्युनिष्ट पार्टीका संयोजक पुष्पकमल दाहाल(प्रचण्ड)ले अन्य दलहरू अझै नसच्चिएको अवस्थामा नेपाली कम्युनिस्ट पार्टी भने आत्मसमीक्षा गरेर अघि बढेको बताए । सङ्खुवासभाको खाँदबारीमा शुक्रबार आयोजित पार्टी एकता सन्देशसभालाई सम्बोधन गर्दै दाहालले भने–‘हामी आत्मसमिक्षा सहित सच्चिएर अगाडी बढेका छौं विश्वास गर्नुहोस् ।’
इमान्दार, असल पार्टी नेता र कार्यकर्तालाई आत्मासमिक्षा गरेर बदल्न भदौ २३ को आन्दोलनले पे्ररित गरेको बताए । पूर्वप्रधानमन्त्री दाहालले –‘२४ गते को विधंश्वले राष्ट्रको निम्ति नयाँ विचार, नयाँ निति र कार्यक्रम सहित जनताको तागद निर्माण गर्नुपर्ने अवस्था सिर्जना गरेको छ । अझै दलहरु नसच्चिने हो भने देश गम्भिर मोडमा पुग्ने दाहालले जिकिर गरे । देश अदृश्य शक्तिबाट सञ्चालित भइरहेको दाबी समेत गरेका छन् ।
राष्ट्र बचाउन, जनतालाई सुरक्षा दिन र देश जोगाउन नयाँ राजनीतिक शक्ति निर्माण नहुँदासम्म आफूहरू विश्राम नलिने उनले बताए । पुस्ता हस्तान्तरणका नाममा अफावह फैलाइएको उनि भनाई छ । असल समाज निर्माणका लागि वृद्धहरुको अनुभव, उनिहरुले इतिहासमा खेलेको भुमिका महत्वपुर्ण हुन्छ । प्रौढ, युवा र नवयुवा मिलेर क्षमता र अनुभव जोडर मात्रै समाज सही रुपमा गतिशिल हुने बताए । उनले भने–‘हामी जनतालाई धोका दिँदैनौ युवासँगै हिँड्न हामी तयार छौं ।’ जेन्जी आन्दोलनको मर्मर भावना अनुसार पुरानै रुपमा राख्न हुदैन, हामीलाई बदनै पर्छ भन्ने सन्दर्भमा नेपाली कम्युनिस्ट पार्टी गरिएको उनले बताए । अहिले आफ्नो विवेक प्रयोग गरेर एजेण्डा सँग सहमतहुनेहरु पार्टी एकतामा आइरहेको उनि बताउँछन् ।
देश अदृश्य शक्तिबाट सञ्चालित भइरहेको दाहालको दाबी छ । अदृश्य शक्तिले समाजलाई भ्रमित बनाएको उनको भनाई छ । नेपालका दुवै छिमेकी मुलुकलाई सन्तुलनमा राखेर अघि बढ्नु पर्ने दहालले बताए । चिन र भारत उदाउँदो शक्ति राष्ट्र«भएकाले अन्य शक्ति राष्ट्रहरुले नेपालको भुमी प्रयोग गर्न खोजीरहेको दाहालको दावी छ ।
कार्यक्रमलाई सम्बोधन गर्दै पार्टी सह–संयोजक माधवकुमार नेपालले विगतका कमजोरी स्वीकार्दै जनताको मनोभावनाअनुसार सुधार भएर अघि बढ्ने शंकल्प लिएर अघि बढेको बताए । नेपालले पार्टीलाई जनमुखी, पारदर्शी र जिम्मेवार बनाउँदै जनताको भरोसा जित्ने लक्ष्यका साथ पार्टी अघि बढिरहेको पुर्वप्रधानमन्त्री नेपालको भनाई छ ।
एकता सन्देश सभामा पार्टीका केन्द्रीय, प्रदेश तथा स्थानीय तहका नेताहरूले पनि सम्बोधन गरेका छ । जनकलाकारहरुले सास्कृतिक प्रस्तुति समेत प्रस्तुत गरेका थिए । एकता सभामा विभिन्न पार्टी परित्याग गरि नेपाली कम्युनिस्ट पार्टीमा प्रवेश गरेका छन् ।

प्रकाशित मिति: शुक्रबार, पुस १८, २०८२ २१:४९

प्रतिक्रिया दिनुहोस्