देश निर्वाचन तिर प्रवेश गरिसक्यो, यहि सरकारले निर्वाचन सम्पन्न गराउँछ : संयाेजक दाहाल

राजनीति

गृहपृष्ठ
राजनीति
देश निर्वाचन तिर प्रवेश गरिसक्यो, यहि सरकारले निर्वाचन सम्पन्न गराउँछ : संयाेजक दाहाल

देश निर्वाचन तिर प्रवेश गरिसक्यो, यहि सरकारले निर्वाचन सम्पन्न गराउँछ : संयाेजक दाहाल

शनिबार, पुस १९, २०८२ अरूण सन्देश

खाँदबारी । देश निर्वाचन तिर प्रवेश गरिसकेको नेपाली कम्युनिस्ट पार्टीका संयोजक पुष्पकमल दाहाल(प्रचण्ड)ले बताएका छन् । शनिबार सङ्खुवासभाको खाँदबारीमा भएको पत्रकार भेटघाट कार्यक्रममा संयोजक दाहालले भने–‘अव यहि सरकारले निर्वाचन सम्पन्न गराउँछ ।’ सबै दलहरुले समानुपातिकको बन्दसुचि बुुझाई सकेकाले अव निर्वाचन बारे संका गरिखाख्नु पर्ने अवस्था नरहेको पुर्वप्रधानमन्त्री दाहालले बताए ।
निर्वाचन भन्दा पनि संसद पुर्नस्थापना तथा सर्वदलिय सरकार भन्ने दलहरुनै निर्वाचनमा लागि सकेको दाबी गर्दै निर्वाचनको विकल्प नरहेको भनाई राखे । जेन्जी भित्रका केही समुहहरु पनि निर्वानको पक्षमा आइसकेको बताएका छन् । अव अर्को सरकारको विकल्प खोख्नु पर्ने स्थिति रहेन, यहि सरकाले नै निर्वाचन सम्पन्न गराउनु सबभन्दा सहज र स्वभाविक हुने दाहालको भनाई छ । नयाँ सरकार बनाउने, सर्वदलिय सरकार बनाउने वा सर्वपक्षिय सरकार बनाउने भन्दा पछि नयाँ जनादेशबाट प्रतिनिधि सभा ल्याएर सरकार बन्नेमा आफु विश्वस्त रहेको बताए ।
संयोजक दाहालले भने–‘संविधान सभाबाट संविधान बनाउँदै गर्दानै हामीले बाचा गरेका थियौं १० वर्षपछि संविधानको समिक्षा गर्ने छौं भनेर ।’ संविधानमा भएका सकारात्मक र नकारात्मकको आधारमा संविधान संसोधन र परिमार्जन गर्ने छौं भनेका थियौं, उनले भने । अहिलेको परिस्थितिले हामीलाई फेरी एकपटक निर्वाचन सम्पन्न गरि नयाँ जनादेश सहितको प्रतिनिधि सभाबाट संविधान संसोधन गरि संविधान परिर्माजन गर्नुपर्ने अवस्था सिर्जना गरेको बताए । पहिचान, निर्वाचन, प्रत्यक्ष निर्वाचित कार्यकारी लगायतका विषय परिर्माजन गरि देशमा राष्ट्रिय एकता र राजनितिक स्थिरता कायम गर्नु पर्ने दाहालको भनाई छ ।
संयोजक दाहाल, सहसंयोजक माधवकुमार नेपाल सहितका नेपाली कम्युनिस्ट पार्टीका नेताहरु शुक्रबार खाँदबारीमा भएको नेपाल कम्युनिस्ट पार्टी सङ्खुवाभाको एकता सन्देश सभालाई सम्बोधन गर्न सङ्खुवासभा आएका थिए । एकता सन्देशसभाको अवसरमा विभिन्न पार्टी परित्याग गरी नेपाली कम्युनिस्ट पार्टीमा प्रवेश गरकाहरुलाई संयाेजक दाहाल र सहसंयाेजक नेपाल सहितका नेताहरुले स्वागत गरेका छन् ।

प्रकाशित मिति: शनिबार, पुस १९, २०८२ १७:३०

प्रतिक्रिया दिनुहोस्