प्रतिनिधिसभा निर्वाचन : सङ्खुवासभामा एक स्वतन्त्र र १५ दलको उम्मेदवारी

राजनीति

गृहपृष्ठ
राजनीति
प्रतिनिधिसभा निर्वाचन : सङ्खुवासभामा एक स्वतन्त्र र १५ दलको उम्मेदवारी

प्रतिनिधिसभा सदस्यको उम्मेदवारी दर्ता प्रतिनिधिसभा निर्वाचन : सङ्खुवासभामा एक स्वतन्त्र र १५ दलको उम्मेदवारी

मंगलबार, माघ ६, २०८२ अरूण सन्देश

सङ्खुवासभा । आगामी फागुन २१ गते हुने प्रतिनिधिसभा सदस्य निर्वाचनका लागि सङ्खुवासभामा एक स्वतन्त्र सहित १६ जनाको उम्मेदवारी दर्ता गराएको मुख्य निर्वाचन अधिकृत राजकुमार कोइरालाले बताए । प्रतिनिधिसभा सदस्य निर्वाचनका लागि सङ्खुवासभामा काँग्रेस, एमाले, नेपाली कम्युनिष्ट पार्टी, रास्वपा सहित विभिन्न दलको मनोनयन दर्ता गराएका हुन् । एक मात्र क्षेत्र रहेको सङ्खुवासभामा एक जनाले स्वतन्त्र उम्मेदवारी दिएका छन् ।
नेकपा एमालेले प्रतिनिधिसभा सदस्य निर्वाचनमा पूर्व अमेरिकी राजदुत तथा हिमालयन आर्युवेद विश्वविद्यालयका अध्यक्ष समेत रहेका डा. अर्जुन कार्कीको मनोनयन दर्ता गराएको छ । नेपाली कम्युनिष्ट पार्टीबाट पूर्व प्रदेशसभा सदस्य सरिता थापा खड्का, नेपाली काँग्रेसबाट पूर्व सभापति तथा केन्द्रिय सदस्य दिपन कुमार श्रेष्ठ, राष्ट्रिय स्वतन्त्र पार्टी (रास्वपा) बाट पर्यटन व्यवसायी मिङ्मा शेर्पाले उम्मेदवारी मनोनयन गराएका छन् । नेकपा (माओवादी) बाट पुष्पबहादुर कोइराला, श्रम संस्कृति पार्टीबाट उमाकुमारी राई तथा राष्ट्रिय परिवर्तन पार्टीबाट घनश्याम वालिङ राईको मनोनयन दर्ता गराएका हुन् । स्वतन्त्रमा बासुदेव दाहाल, जनता समाजवादी पार्टी नेपालका भरत याख्खा, नेपाल जनमुक्ति पार्टीका केशर सिंह राई, नेपाल मजदुर किसान पार्टीका राजकुमार लघु, मंगोल नेशनल अर्गनाइजेसन देवेन्द्र कुमार घले रिल्ली र नेपाली जनसंकृतिक पार्टीका कृष्ण बहादुर राईले उम्मेदवारी दर्ता गराएका छन् । संघिय लोकतान्त्रि राष्ट्रिय मञ्चकी रनमाया राई, राष्ट्रिय प्रजातन्त्र पार्टी पदम बहादुर तामाङ र राष्ट्रिय जनमोर्चा पार्टी हेमकुमार गुरुङले उम्मेदवारी दिएका हुन् ।
जिल्लामा एक लाख १९ हजार ६ सय ३० मतदाता रहेका छन् । प्रतिनिधिसभा निर्वाचनका लागि जिल्लामा एक सय नौ मतदान स्थल र एक सय ६४ मतदान केन्द्र रहेको जिल्ला निर्वाचन कार्यालयले जनाएको छ ।

प्रकाशित मिति: मंगलबार, माघ ६, २०८२ २१:०८

प्रतिक्रिया दिनुहोस्