सङ्खुवासभामा ५३.१९ प्रतिशत मतदान

राजनीति

गृहपृष्ठ
राजनीति
सङ्खुवासभामा ५३.१९ प्रतिशत मतदान

सङ्खुवासभामा ५३.१९ प्रतिशत मतदान

बिहीबार, फागुन २१, २०८२ अरूण सन्देश

सङ्खुवासभामा प्रतिनिधि सभा सदस्य निर्वाचनमा ५३ दशमलब १९ प्रतिशत मत खसेको छ । जिल्लामा ६३ हजार ६३४ मत खसेको प्रमुख जिल्ला अधिकारी सिर्जना थपलियाले जानकारी दिइन् ।
मतदान गर्नेमा ३० हजार ४५४ महिला र ३३ हजार १८० जना रहेका छन् । जिल्लामा ६२ हजार १ सय ७२ पुरुष र ५७ हजार ४ सय ५८ महिला सहित एक लाख १९ हजार ६ सय ३० मतदाता रहेका थिए । एक सय ९ मतदान स्थलमा एक सय ६४ मतदान केन्द्र रहेका छन् । सबैभन्दा कम मतदाता ६३ जना रहेको रहेको भोटखोला गाउँपालिकाको दुधपोखरी आधारभूत विद्यालय थुदाममा १३ मत खसेको छ ।
मतदान पछि मतपेटीका सदरमुकाम खाँदबारी ल्याउन सुरु भएको छ । शुक्रबार दिउँसो सम्ममा सबै केन्द्रको मतपेटीका मतगणना स्थलमा आइपुग्ने छन् । मतगणना जिल्ला समन्वय समितिको हलमा गरिने भएको छ । मतगणना स्थालमा सुरक्षा व्यवस्था कडा वनाइएको छ ।
जिल्लाको ५ मतदान स्थलको मतपेटीका हेलिकप्टर मार्फत ल्याइने छ । जिल्लाको भौगोलिक रुपमा विकट र दुर्गम मानिएको भोटखोला गाउँपालिकाको दुधपोखरी आधारभूत विद्यालय थुदाम, ज्योती आधारभूत विद्यालय र हिमालय आधारभूत विद्यालय किमाथाङ्काको मत पेटीका शुक्रबार होलीकप्टर मार्फत ल्याइने प्रमुख जिल्ला अधिकारी थपलियाले बताइन् । त्यसैगरी सिलिचोङ गाउँपालिकाको काम्पेक र गौथलाको मतपेटीका पनि हेलिकप्टर माफैत ल्याइने छ । सङ्खुवासभा एक स्वतन्त्र, तीन महिलासहित १६ जना चुनावी मैदानमा रहेका छन् ।

प्रकाशित मिति: बिहीबार, फागुन २१, २०८२ २०:३२

प्रतिक्रिया दिनुहोस्