एसईईमा गोल्डेन स्टारका अभिनास सङ्खुवासभा सर्वोत्कृष्ट

शिक्षा

गृहपृष्ठ
शिक्षा
एसईईमा गोल्डेन स्टारका अभिनास सङ्खुवासभा सर्वोत्कृष्ट

एसईईमा गोल्डेन स्टारका अभिनास सङ्खुवासभा सर्वोत्कृष्ट

शुक्रबार, साउन १३, २०७९ अरूण सन्देश

सङ्खुवासभाको खाँदबारी नगरपालिका–९ मा रहेको गोल्डेन स्टार बोर्डिङका अभिनास भारतीले ३ दशमलब ८ जीपीए ल्याएर जिल्लाकै सर्वोत्कृष्ट नतिजा हाँसिल गरेका हुन्। बुधबार प्रकाशित २०७८ सालको माध्यमिक शिक्षा परीक्षा (एसईई) मा ३ दशमलब ८ जीपिए ल्याएर भारती जिल्लाकै उत्कृष्ट भएका छन् ।
अभिनासले जिल्लाकै सर्वोत्कृष्ट नतिजा हाँसिल गरेको गोल्डेन स्टार बोर्डिड स्कूल तुम्लिङ्टारका अध्यक्ष राजकुमार घिमिरेले जानकारी दिए । सामुदायिक विद्यालय र निजी विद्यालयका तर्फबाट सबै भन्दा बढी अंक भारतीले ल्याएका हुन् । सोही विद्यालयका निश्चल भट्टराईले ३ दशमलब ७ जीपिए ल्याई जिल्लाकै दोस्रो भएको अध्यक्ष घिमिरेले बताए ।
२०७८ सालको एसईईमा देशभरबाट चार लाख ७३ हजार एकसय ११ जना सहभागी भएकामा सङ्खुवासभाका ३ हजार ७१ विद्यार्थी उत्तिर्ण भएका छन् ।
परीक्षार्थीहरुले आफुले प्राप्त गरेको ग्रेडमा चित्त नबुझे पुनर्योग गराउन सकिने शिक्षा विकास तथा समन्वय इकाईका सङ्खुवासभाका इकाई प्रमुख केशव भट्टराईले बताए । पुनर्योग गराउन चाहेमा प्रकृया पुरागरी शिक्षा विकास तथा समन्वय इकाई वा सोझै राष्ट्रिय परीक्षा बोर्डमा निवदेन दिन सकिने उनको भनाई छ । परीक्षार्थीले निवेदनको साथमा पाँच सय रुपैयाँ राजश्व समेत जम्मा गर्नु पर्ने छ ।