संखुवासभा मै पहिलाे पटक डिवेट वार हुँदै

शिक्षा

गृहपृष्ठ
शिक्षा
संखुवासभा मै पहिलाे पटक डिवेट वार हुँदै

संखुवासभा मै पहिलाे पटक डिवेट वार हुँदै

मंगलबार, कात्तिक २७, २०८१ अरूण सन्देश

संखुवासभा । संखुवासभामा नै पहिलो पटक संसदीय प्रणालीमा आधारित वादविवाद प्रतियोगिता 'द डिवेट वार' हुने भएको छ । आज असल शासन क्लब संखुवासभाले नेपाल पत्रकार महासंघ संखुवासभाको कार्यालयमा पत्रकार सम्मेलन गरेर कार्यक्रमको जानकारी दिएको हो ।

मंसिर १४ गते देखि सुरु हुने यो कार्यक्रम विभिन्न चरणमा सम्पन्न हुने आयोजकले जनाएको छ । वर्ड स्कुल डिवेट च्याम्पियनसिप (डव्लुएसडीसी) को नियमानुसार सञ्चालन हुनेछ । कार्यक्रम संयोजक अनुप चापागाईंका अनुसार खाँदवारी नगरपालिका भित्रका माविका १९ बर्ष मुनिका विद्यार्थीहरु सहभागी हुनेछन् । एक विद्यालयबाट १ छात्रा सहित ३ जना विद्यार्थीहरु सहभागी हुन पाउने चापागाईंले जनाए ।

विद्यार्थीहरुको बौद्धिक क्षमता विकास गरेर खोज तथा अनुसन्धान गर्न प्रेरित गरि सामुहिक भावनाको विकास गर्दै आलोचनात्मक चेतनाको अभिवृद्धी गर्नका लागि कार्यक्रम गर्न लागिएको चापागाईंले बताए । कार्यक्रममा प्रथम हुने विद्यालयले नगद रु ३० हजार, शिल्ड, मेडल र प्रमाणपत्र प्राप्त गर्नेछन् भने दितिय हुने विद्यालयले नगद रु १५ हजार, मेडल र प्रमाणपत्र प्राप्त गर्ने आयोजकले जनाएको छ । त्यस्तै सेमिफाईनलिष्ट् बाँकी २ विद्यालयले नगद रु ५ हजार, मेडल र प्रमाणपत्र प्राप्त गर्नेछन् ।