सङ्खुवासभका राजेन्द्र कार्की कोसी प्रदेशको मन्त्रीमा नियुक्त

राजनीति

गृहपृष्ठ
राजनीति
सङ्खुवासभका राजेन्द्र कार्की कोसी प्रदेशको मन्त्रीमा नियुक्त

काेसी प्रदेश सङ्खुवासभका राजेन्द्र कार्की कोसी प्रदेशको मन्त्रीमा नियुक्त

आइतबार, असार २४, २०८० अरूण सन्देश

फाइल तस्विर

संखुवासभा। सङ्खुवासभा प्रदेश निर्वाचन क्षेत्र (क) बाट निर्वाचित राजेन्द्र कार्की (नवीन) कोसी प्रदेशको मन्त्रिमा नियक्त भएका छन् । माओवादीबाट नियुक्त भएका जीवन आचार्य र राजेन्द्र कार्की, नेपाली काङ्ग्रेसबाट नियुक्त भएका रामकुमार खत्रीले आइतबार पद तथा गोपनीयताको शपथ लिएका हुन्।
उनीहरू तीनै जनालाई मुख्यमन्त्री उद्धव थापाले आज मन्त्री नियुक्त गरेका थिए । आचार्यलाई आर्थिक मामिला तथा योजना मन्त्रीको जिम्मेवारी दिइएको छ । अरु भने विनाविभागीय छन् ।

को हुन् कार्की ?

प्रमाणपत्र तहसम्म अध्ययन गरेका कार्की २०३२ साल साउन १७ गते खाँदबारी नगरपालिका–७ राम्चेमा जन्मिएका हुन् । उनी २०४६ सालदेखि वाम राजनीतिमा झुकाव राखेर अघि बढे ।
अनेरास्ववियुको प्रारम्भिक कमिटीमा बसेर २०४७ सालदेखि राजनीति सुरु गरेका उनी अखिलको जिल्ला अध्यक्ष हुँदै केन्द्रीय सदस्यसम्म बने । भूमिगतकालदेखि नै अर्थात २०५४ सालदेखि उनी माओवादीमा आवद्ध भए । हालसम्म माओवादीका विभिन्न कमिटीमा रहेर काम गरेको अनुभव उनीसँग छ । कार्की पार्टीको विभिन्न कमिटीमा रहेर सामाजिक र राजनैतिक परिवर्तनका लागि महत्वपूर्ण योगदान दिएका नेता हुन् । माओवादी विद्रोहका क्रममा २०६१ सालमा भारतको पटनामा जेल परे । २ वर्ष जेल जीवन बिताएका कार्की हाल माओवादीका केन्द्रीय सदस्य एवं संखुवासभा इन्चार्ज समेत छन् । उनकी पत्नी इन्दिरा मिश्र कार्की (चेतना) पनि माओवादी राजनीतिमै सक्रिय छिन् ।

प्रकाशित मिति: आइतबार, असार २४, २०८० १५:५५

#काेशी

प्रतिक्रिया दिनुहोस्