शिक्षा ऐनको मस्यौदाविरुद्ध सङ्खुवासभाका शिक्षकहरु

राजनीति

गृहपृष्ठ
राजनीति
शिक्षा ऐनको मस्यौदाविरुद्ध सङ्खुवासभाका शिक्षकहरु

शिक्षा ऐनको मस्यौदाविरुद्ध सङ्खुवासभाका शिक्षकहरु

शनिबार, फागुन १०, २०८१ अरूण सन्देश

सङ्खुवासभाका शिक्षकहरु संघीय शिक्षा ऐनको मस्यौदाविरुद्ध आन्दोलित बनेका छन् । शिक्षा विकास तथा समन्वय इकाइ कार्यालय खाँदबारीमा उनीहरूले शुक्रबार खबरदारी तथा ध्याकर्षण गराएका हुन् ।
जिल्लाका विभिन्न स्थानीय तहहरुबाट आएका शिक्षकहरुले सदरमुकाम खाँदबारीमा विरोध र्याली निकालेर शिक्षा विकास तथा समन्वय इकाई पुगे । उनिहरुले शिक्षा विकास तथा समन्वय इकाइ प्रमुख गोपालमान भण्डारीलाई ध्याकर्षण पत्र बुझाएका हुन् । २०७५, २०७८ र २०८० सालमा सरकार र आन्दोलनरत शिक्षकहरु विच भएको सहमतीहरुको कार्यन्वयनको माग नेपाल शिक्षक महासंघले गरेको छ । सबै खालका शिक्षक र कर्मचारीका सबै मागमुछाहरु सम्बेधन हुने गरी विद्यालय, विद्यार्थी, शिक्षक–कर्मचारी मैत्री अग्रगामी विद्यालय शिक्षा ऐन ल्याउनु पर्ने शिक्षकहरु माग रहेको छ । विद्यालय शिक्षा ऐन संसदीय प्रकृयामा रहेकै बेला एनले सम्बोधन गर्नुपर्ने विषयमा आम शिक्षकको भावना विपरित निवृत्तीभरण सम्बन्धी अध्यादेश जारी भएपछि शिक्षहरु आन्दोलित बन्नु परेको नेपाल शिक्षक महासंघका अध्यक्ष शेरबहादुर पुरीले बताए । मागहरु पुरा नगरिए शिक्षक महासंघ चरणबद्ध आन्दोलनमा उत्रने पुरीले जानकारी गराए ।
सरकारकै निर्णयबाट हुनसक्ने बालकक्षा शिक्षक, विद्यालय कर्मचारी र संस्थागत विद्यालयका शिक्षकको लागि उचित तलवमान, शिक्षकको मार्यादाक्रम, शिक्षक सरुवा कार्यविधिको खोजी, मासिक तलब भुक्तानी जस्ता समान्य काम समेत नगरिनुले सरकारको शिक्षा, शिक्षक–कर्मचारी विरोधी सोच प्रष्ट रहेको ध्याकर्षण पत्रमा उल्लेख गरिएको छ । राज्यले शैक्षिक क्षेत्रमा कार्यरत शिक्षकहरु, विद्यालय कर्मचारी, बालशिक्षाका शिक्षकलगायत पेशाकर्मीहरुलाई उपेक्षा गरेको र पेशागत हितका सम्झौता बमोजिम शिक्षा ऐनको मस्यौदामा नसमेटिएको शिक्षकहरुले गुनासो गरे । सरकारले प्रस्तावित संघीय शिक्षा ऐनमा शिक्षा, शिक्षक र विद्यालय कर्मचारी विरोधी प्रावधान राखेको भन्दै सरकारले विभेदकारी प्रावधान नहटाएर कडारुपमा आन्दोलनमा होमिने नेपाल शिक्षक महासंघले जनाएको छ ।

प्रकाशित मिति: शनिबार, फागुन १०, २०८१ ०८:५१

प्रतिक्रिया दिनुहोस्