प्रथम भोटखोला महोत्सव चैत्र ९ देखि ११ सम्म हुने

समाज

गृहपृष्ठ
समाज
प्रथम भोटखोला महोत्सव चैत्र ९ देखि ११ सम्म हुने

भोटखोला महोत्सव प्रथम भोटखोला महोत्सव चैत्र ९ देखि ११ सम्म हुने

बिहीबार, चैत ८, २०८० अरूण सन्देश

सङ्खुवासभाको भोटखोला गाउँपालिकामा प्रथम भोटखोला महोत्सवमा आयोजना हुने भएको छ । चैत्र ९ देखि ११ सम्म भोटखोला गाउँपालिकाको आयोजनामा हटियामा महोत्सवको आयोजना गरिएको हो ।
महोत्सवमा जातीय संस्कृति झल्कने खेल तथा प्रर्दशनी, लामा बिजुवा, खेन्डम, झाँकी, कृषि प्रदर्शनी हुने भोटखोला गाउँपालिका अध्यक्ष वाङ्छेदर भोटेले जानकारी दिए । महोत्सवमा रैथाने खाद्य परिकारहरुको प्रर्वद्धन, जडिबुटि तथा रैथाने उत्पादनको प्रर्दशनि रहने छ । अन्तरपालिका योजना, गौरवका योजनालाई वित्तिय श्रोत सुनिश्चित गर्न समेत महोत्सवको आयोजना गरिएको उनले बताए ।
महोत्सवको अवसरमा भोटे जातीको संस्कृति झल्कने दाच्चि (आर्चारी) तथा राष्ट्रिय खुल्ला पुरुष भलिबल प्रतियोगिता समेत हुने अध्यक्ष भोटेले बताए । भलिबल तर्फ प्रथम पुरस्कार नगद एक लाख एक सय सिल्ड मेडल र प्रमाणपत्र रहेको छ । त्यसैगरी द्धितिय, तृतिय र चौथो हुनेले क्रमश नगद ५० हजार एक सय, ३० हजार एक सय र १५ हजार एक सयका साथमा मेडल तथा प्रमाणपत्र प्राप्त गर्ने छन् । दच्चि(आर्चारी) तर्फ प्रमथ पुरस्कार ५० हजार पाँच दोस्रो २५ हजार पाँच र तृतिय १० हजार पाँच रहेको छ ।
महोत्सवमा विभिन्न कलाकारहरुको समेत प्रस्तुति रहेको आयोजकले जनाएको छ । भोटे स्याव्रो, तामाङ् सेलो, याम्फुहरुको संस्कृति लगायतको प्रस्तुति रहेको छ । लोसारमा मनाईने जैमानलाई पनि विशेष प्रकारले मनाईने जनाइएको छ ।
महोत्सवको अवसरमा हटियामा रहेको तातो पानीमा स्नान गर्न तथा पर्यटकिय क्षेत्रहरुको भ्रमण समेत गर्न सकिने छ ।

प्रकाशित मिति: बिहीबार, चैत ८, २०८० १२:५६

#भोटखोला महोत्सव

प्रतिक्रिया दिनुहोस्