अन्तर्राष्ट्रिय योग दिवस सङ्खुवासभामा सप्ताव्यापी रुपमा मनाईने

समाज

गृहपृष्ठ
समाज
अन्तर्राष्ट्रिय योग दिवस सङ्खुवासभामा सप्ताव्यापी रुपमा मनाईने

अन्तर्राष्ट्रिय योग दिवस सङ्खुवासभामा सप्ताव्यापी रुपमा मनाईने

सोमबार, असार ३, २०८१ अरूण सन्देश

सङ्खुवासभा । अन्तर्राष्ट्रिय योग दिवसको अवसरमा सङ्खुवसभामा सप्ताव्यापी योग अभ्यास गरेर दिवस मनाईने भएको छ । सोमबार प्रमुख जिल्ला अधिकारी धुव्रबहादुर खड्काको संयोजकत्वमा बसेको बैठकले सप्ताव्यापी रुपमा योग अध्यास गर्दै दिवस मनाउने निर्णय गरेको हो । ‘महिला सशक्तिकरणका लागि योग’ भन्ने नाराका साथ असार ७ गते अन्तर्राष्ट्रिय योग दिवस मनाउन लागिएको हो ।
जिल्लायोग समन्वय समितिको आयोजनामा दिवसको अवसरमा असार ५ बाट ११ सम्म सामुहिक रुपमा योग अभ्यास गर्ने निर्णय भएको छ । योग दिवसको अवसर जिल्लामा क्रियासिल योगध्यान सँग सम्बन्धीत सबै संस्थाका प्रशिक्षकरुको सहजीकरणमा सातदिन सामुहिक रुपमा विहान ५ वजेदेखि ६ः३० बजे निशुल्क योग शिवीर सन्चालन गर्ने निर्णय बैठकले गरेको छ । योग शिवर पछि योग दिवसको दिन असार ७ गतेको र्याली तथा योगका विभन्न आयमहरु प्रस्तुत गर्दै दिवस मनाईने प्रमुख जिल्ला अधिकारी खड्काले जानकारी गराए । सबै उपमेर समुहले योग गर्नु अनिवार्य रहेकाले सबैलाई योग गर्न उनले अनुरोध गरे । सबैप्रकारका रोगको निदान गर्न र व्यक्तिगतरुपमा स्वास्थ्य रहन योग परिहार्य रहेको प्रजिअ खड्काले बताए ।
योग शिबीरमा सहभागि हुन जिल्ला स्थित राजनैतिक दलहरु, सरकारी तथा गैह्रसरकारी संघ,संस्थाहरु, पत्रकार, उद्योगीव्यवसायी, सुरक्षाकर्मी, शिक्षक विद्यार्थी, नागरिक समाज तथा आम नागरिकलाई आह्वान गरिएको जिल्ला योग समन्वय समितिका अध्यक्ष भिम कट्टेलले जानकारी दिए । यसको लागि संस्थागत रुपमा शिक्षा विकास तथा समन्वय एकाइ सङ्खुवासभा, जिल्ला आयुर्बेद केन्द्र, खादबारी यूथक्लब लगायतले सहकार्य गर्ने प्रतिबद्धता जाहेर गरेको अध्यक्ष कट्टेलले बताए । योग, ध्यान, प्राणायामसंग सम्बन्धित संस्थाहरु ब्रम्हकुमारी राजयोग सेवा केन्द्र, जीवन योग प्रयोगशाला, पतञ्जली योग सेवाकेन्द्र, ओशोधारा सेवाकेन्द्र, पातन्जल योग सेवाकेन्द्र, मनोक्रान्ति जिल्लायोग सेवाकेन्द्र, प्रेमवाद जिल्ला सेवाकेन्द्र, गायत्री परिवार, त्रिरत्न बुद्धविहार लगायतले योग शिविरमा सहजीकरण गर्ने तयारी गरिएको छ । रोग लागेपछि मात्र योग गर्ने भन्ने गलत भाष्य सिर्जना भएको भन्दै जुनसुकै अवस्थामा जो सुकैलाई पनि रोग लाग्न सक्ने भएकाले आआफ्नो लक्षमा पुग्न वा सोचलाई पूरा गर्ने माध्यमको रुपमा योग, ध्यान, प्राणायामलाई अपनाउनु पर्ने अध्यक्ष कटुवालले बताए ।
शिक्षा, विज्ञान तथा प्रविधि मन्त्रालयमा शिक्षा मन्त्री सुमना श्रेष्ठको अध्यक्षता बसेको मूल समारोह समितिको बैठकले ‘महिला सशक्तीकरणका लागि योग’ भन्ने आदर्श वाक्यका साथ मनाउने निर्णय गरेको हो । बैठकले प्रदेश तह र स्थानीय तहमा समेत योग दिवस मनाउन पत्राचार गरेको छ । विद्यालयस्तरमा दिवस मनाउन सबै शिक्षा विकास तथा समन्वय इकाई मार्फत विद्यालयहरूलाई अनुरोध गर्ने निर्णय भएको छ ।
सन् २०१६ देखि २१ जुनमा अन्तर्राष्ट्रिय योग दिवस विश्वभर मनाइएको थियो । नेपालमा वि।सं। २०३६ माघ १ गतेदेखि सूर्य उत्तरायण लाग्ने दिनको अवसर पारेर योग दिवस मनाउन थालिएको थियो । नेपाल संस्कृत विश्वविद्यालयमा छ महिनाको योग तथा प्राकृतिक चिकित्साको अध्यापन हुँदै आएको छ ।
यसअघि वि.सं.२०३६ देखि उत्तरायण सुरु हुने दिन पारेर नेपालमा डा.हरिप्रसाद पोखरेलको सक्रियतामा योगको क्षेत्रमा काम गरेका संस्थाको सहभागितामा विश्व योग दिवस मनाउन थालिएको थियो । वैदिककालमा हिमालयको काखमा ऋषिमुनिले अध्ययन–अनुसन्धान गरी प्रतिपादन गरेको योग नेपालमै लुप्तप्रायः बनेको थियो । यही क्षेत्रबाट पुनर्जागरण गर्न दिवस घोषणा गरी जनचेतना जगाउने काम सुरु भएको हो ।

प्रकाशित मिति: सोमबार, असार ३, २०८१ २१:४९

प्रतिक्रिया दिनुहोस्