बुवाको मुख हेर्ने दिनको अबसरमा पितृको सम्झनामा दिपक खनालको "सत्य" गीत सार्वजनिक

समाज

गृहपृष्ठ
समाज
बुवाको मुख हेर्ने दिनको अबसरमा पितृको सम्झनामा दिपक खनालको "सत्य" गीत सार्वजनिक

बुवाको मुख हेर्ने दिनको अबसरमा पितृको सम्झनामा दिपक खनालको "सत्य" गीत सार्वजनिक

सोमबार, भदौ १७, २०८१ अरूण सन्देश

टुँकीमा निभेको सलेदो छदैछ,
सजलले भरेको परेलो छदैछ
हजुरले लिनुभयो नफिर्ने सवारी,
विदामा छिनेको कलेजो छदैछ,
सजलले भरेको परेलो छदैछ ।

कुशे औशी अर्थात बुवाको मुख हेर्ने दिनको अबसर पारेर दिपक खनालले 'सत्य' नामक गीत सार्वजनिक गरेको छन् । साहित्यकार कविता केशरीको शब्द रहेको गीतका अंश हरूले चराचर जगतको सबै भन्दा ठूला अभिभावक मान्यजन एवं प्रिय व्यक्ति लाई गुमाउनु पर्दाको दुखत घटनालाई उजागर गरेको छ ।
साहित्यकार केशरीको ओजपूर्ण शव्दलाई गायक खनालले श्वर भरेर गीत तयार पारेका हुन् । पेशेवर गायक नभए पनि खनाल निरन्तर साधक हुन् । तिनको बोल्ड श्वरले गीतका गहकिला भावलाई न्याय गरेको छ । सरकारी सेवामा रहेका खनालको बालापन देखिकै गीत सङ्गीतमा आघात रुचि रहेको थियो । गजल शैलीमा रचिऐको यस गीत मा अत्यन्तै गहकिला साहित्यिक शब्द छन्दहरू शून्दा गीतको भाव बुझन हम्मे हम्मे पर्छ, तर गायकले मुक्त कन्ठका साथ दिऐको आवाज र सङ्गीतकारहरूको सुमधुर सङ्गीतको संयोजनले दोहोर्‍याएर सुन्दा जो कोहीका आँखा रसाउछन् । भारतमा संगीत साधनाको गहिरो अध्ययन गरेर हाल नेपालमा सङ्गीत बिध्यालय सञ्चालन गर्दै आएका सङ्गीतकार भरत बस्नेतको संगीत रहेको एकाक्षरी काफियाको बहर गजल हो । जगतको सबभन्दा प्रिय व्यक्ति बुवालाई गुमाउदा दर–सन्तानमा पर्ने पीडालाई गीतमा उतारिएको छ ।
संसारका अरू सबै चिज हरु यथावत छन् तर मुख्य अभिभावक नहुदा सबै शून्य शून्य भएको यथार्थता गीतमा छ । बुवा नहुँदाको क्षणको कल्पना गीतमा रहेको गायक खनालले बताए । गीतमा बुवाको ठाउँमा हजुर राखिएको छ । टुकीमा निभेको सलेदो छदै छ, सजल (आशु)ले भरेको परेलो छदैछ । मझेरी पनि छ, पाखा पखेरा उस्तै छन् । चुकुल लगाएको ढोका जस्ताको तस्तै छदै छ। धर्ती, चन्द्र र सविता (सूर्य) पनि जस्ताको तस्तै छ । मृत्यु सास्वत ,सत्य र निराकार छ, यसलाई टार्न सकिन्न संसारका सबै प्रिय पितृहरूको मृत आत्माको शान्तिका लागि प्रस्तुत गीत समर्पण गरेको गायक खनालले बताए । बास्तबमै जोडदार शब्द, सङ्गीत र स्वरले सास्वत सत्यलाई उजागर गरेको छ।
यस गीतलाई दिपक खानाल युटुव च्यानल मार्फत सार्वजनिक गरिएको छ ।

प्रकाशित मिति: सोमबार, भदौ १७, २०८१ ०७:१२

#बुबा

प्रतिक्रिया दिनुहोस्