हिमालय माविमा पुर्व विद्यार्थीले बाजागाजा सहित पौने ४ लाखको सहयोग गरे

समाज

गृहपृष्ठ
समाज
हिमालय माविमा पुर्व विद्यार्थीले बाजागाजा सहित पौने ४ लाखको सहयोग गरे

हिमालय माविमा पुर्व विद्यार्थीले बाजागाजा सहित पौने ४ लाखको सहयोग गरे

बिहीबार, माघ १०, २०८१ अरूण सन्देश

खाँदबारी । हिमालय मावि खाँदबारीलाई पुर्व विद्यार्थीहरुले संगीत कक्षा सञ्चालनका लागि बजागाजा सहयोग गरेका छन् । २०६० सालमा एसएलसी दिएका पुर्वविद्यार्थीहरुले विद्यालयमा संगीत कक्षा स्थापनार्थ दुई लाख ७५ हजारको बाजागाज सहयोग गरेको पुर्व विद्यार्थी नवराज कार्कीले जानकारी दिए ।
संगीत कक्षाको व्यवस्थापन गरी परम्परागत पन्चेबाजाहरु नरसिङ्गा, सहनाई, दमाहा, झ्याम्टा, ट्याम्को, सारङ्गी, बांसुरी, मादल, तबला, हार्मोनियम, किबोर्ड (पियानो), गितार, ड्रमसेट सहितका सांगीतिक सामग्रीहरु आज विहिबार विद्यालयलाई हस्तान्तरण गरको हुन् । उनिहरुले एक लाख एक हजार १११ रुपैयाँको अक्षयकोष समेत स्थापना गरेका छन् । कोषको वार्षिक ब्याजबाट वार्षिक रुपमा गीतसंगीतको विद्यामा अब्बल विद्यार्थीहरु छनाैट गरी प्रोत्साहन स्वरुप रकम उपलब्ध गराउने छन् । पुर्व विद्यार्थीले करिब तीन लाख ७८ हजार रुपैयाँ सहयोग रकम संकलन गरेका छन् । अझै रकम संकलन भइरहेकाले थप संकलित रकमबाट थप बाजागाजाहरु थप्दै जाने २०६० सालमा एसएलसी दिएका पुर्वविद्यार्थीहरुले लक्ष राखेकाछन् ।

प्रकाशित मिति: बिहीबार, माघ १०, २०८१ २१:०४

प्रतिक्रिया दिनुहोस्