करेन्ट लागेर सुपर हेवा हाइड्रोपावरमा एक मजदुरको मृत्यु

समाज

गृहपृष्ठ
समाज
करेन्ट लागेर सुपर हेवा हाइड्रोपावरमा एक मजदुरको मृत्यु

करेन्ट लागेर सुपर हेवा हाइड्रोपावरमा एक मजदुरको मृत्यु

आइतबार, भदौ २२, २०८२ अरूण सन्देश

चैनपुर । सङ्खुवासभाको चैनपुरमा करेन्ट लागेर सुपर हेवा हाइड्रोपावरमा कार्यरत मजदुरको मृत्यु भएको छ । चैनपुर नगरपालिका –४ मा रहेको ६ मेगावटको सुपर हेवा हाइड्रोपावरमा कार्यरत मजदुर काभ्रेपलाञ्चोक जिल्लाको पनौति नगरपालिका –१ का २९ बर्षीय क्रान्ति तामाङको करेन्ट लागेर मृत्यु भएको जिल्ला प्रहरी कार्यालयले जनाएकाे छ । करेन्ट लागेर घइते भएका तामाङको उपचारका क्रममा प्राथमिक स्वास्थ्य केन्द्र चैनपुरमा मृत्यु भएको हो ।
शनिबार दिउँसो १ बजे सुपर हेवा हाइड्रोपावर स्थलमा विद्युत पोल आसपासको रुखको हाँगा हटाउने क्रममा करेन्ट लागेर तामाङ गम्भीर घाइते भएका थिए । घटनाको बारेमा थप अनुसन्धान भइरहेको जिल्ला प्रहरी कार्यालयले जनाएको छ ।

प्रकाशित मिति: आइतबार, भदौ २२, २०८२ १४:५५

प्रतिक्रिया दिनुहोस्