कोशी राजमार्ग अन्तरगत सभाखोला–लेगुवा सडक खण्डमा ‘टाइम कार्ड’ लागू गरिने

समाज

गृहपृष्ठ
समाज
कोशी राजमार्ग अन्तरगत सभाखोला–लेगुवा सडक खण्डमा ‘टाइम कार्ड’ लागू गरिने

कोशी राजमार्ग अन्तरगत सभाखोला–लेगुवा सडक खण्डमा ‘टाइम कार्ड’ लागू गरिने

सोमबार, भदौ २३, २०८२ अरूण सन्देश

खाँदबारी । उत्तर दक्षिण कोशी राजमार्ग अन्तरगत सङ्खुवासभाको सभाखोला – धनकुटाको लेगुवा सडक खण्डमा टाइम कार्ड लागू गर्ने निर्णय गरेको छ । सोमबार जिल्ला प्रशासन कार्यालयमा बसेको बैठकले सवारी दुर्घटना रोकथाम तथा यातायातको सहज व्यवस्थापनका लागि सभाखाेला–लेगुवा सडकमा टाइम कार्ड लागू भएकाे हाे । यस खण्डको १७ दशलब ५ किमि सडक यात्रा कम्तिमा ४५ मिटेनकाे तय गरिएको छ । आगामी असोज १ गते देखि सभाखोला –लेगुवा सडक खण्डमा टाइम कार्ड लागू गर्ने निर्णय गरेको हो ।
बैठकले पहिलो पटक सभाखोला –लेगुवा सडक खण्डमा कार्ड लागू गर्ने निर्णय गरेको प्रमुख जिल्ला अधिकारी सिर्जना थपलियाले जानकारी दिइन् । चाडपर्वको सयममा गन्तव्यस्थलमा छिटो पुग्ने र छिटाे ओहोरदाेहाेर गर्ने बहानामा तीव्र गतिमा सवारी चलाउने प्रवृत्तिलाई निरुत्साहन गर्न टाइम कार्ड लागू गर्ने निर्णय गरेको हो । जिल्ला प्रशासन कार्यालय सङ्खुवासभामा प्रमुख जिल्ला अधिकारी सिर्जना थपलियाको अध्यक्षतामा बसेको बैठकले सवारी दुर्घटना न्युनिकरणका लागि टाइम कार्ड लागु गर्न लागिएको हाे । बैठकले बढ्दो सवारी चाप र सडक संरचनालाई मध्यनजर गर्दै कार्ड लागू गर्ने निर्णय गरेको छ ।
सर्वपक्षिय बैठकले आउँदै गरेको चाडपर्वलाई मध्यनजर गर्दै दुर्घटना न्यूनीकरणका लागि सवारी साधनका चालक सहचालक साथै ट्राफिक नियमको पूर्ण पालना गर्ने तथा ट्राफिक प्रहरीले यात्रुहरुको गन्तब्य सुरक्षित बनाउन चेकजाँच गर्ने निर्णय गरेको छ । नियम पालना भएनभएकाे जिल्ला प्रशासन कार्याल र प्रहरी कार्यालयले अनुगमन गर्ने छ । बैठकले सडक सम्वद्ध कार्यालय र पालिकाहरु सँगको समन्वयमा

सहज रुपमा यातायात संचालन हुने गरी नियमित सडक मर्मत संभार गर्ने, ट्राफिक संकेत बोर्डहरु चिन्ह राख्न लगाउन गरेको प्रजिअ थपलियाले बताइन् । उक्त सडक खण्डमा सवारी दुर्घटना दिनानुदिन बढर्दै गएपछि जिल्लामा पहिलो पटक टाइम कार्ड लागू गरिएको हो ।
सभाखाेला देखि केवा खाेला सम्ममा आर्थिक वर्ष २०८१/०८२ भएको ६ वटा सवारी दुर्घटनामा ८ जना घाइते भएका छन् । आर्थिक वर्ष २०८०/०१ मा भएको ४ वटा दुर्घटनामा १ जनाको मृत्यु र ५ जना घाइते भएकाे थियो । जिल्ला ट्राफिक कार्यालयका अनुसार खाँदबारीको ढुंगेविसाैना क्षेत्र, तुमिलिङ्टार क्षेत्र, अकरको भिर, समाटार नेता भिर र मुढेशिनश्चरे क्षेत्रलाई बढी दुर्घटना हुने स्थानकाे रुमा लिइएकाे छ ।
सङ्खुवासभा जिल्लामा बढी दुर्घटना हुने स्थानहरु

दुर्घटनाकाे अवस्था

प्रकाशित मिति: सोमबार, भदौ २३, २०८२ २२:०१

#टाइम कार्ड

प्रतिक्रिया दिनुहोस्