धनकुटामा बस दुर्घटना हुँदा दुई जनाको मृत्युु, ६ जना यात्रु घाइते

समाज

गृहपृष्ठ
समाज
धनकुटामा बस दुर्घटना हुँदा दुई जनाको मृत्युु, ६ जना यात्रु घाइते

धनकुटामा बस दुर्घटना हुँदा दुई जनाको मृत्युु, ६ जना यात्रु घाइते

बुधबार, असोज २९, २०८२ अरूण सन्देश

धनकुटाको निगालेमा बस दुर्घटना हुँदा दुई जनाको मृत्यु भएको छ । विराटनगरबाट धनकुटाको महालक्ष्मी नगरपालिका जाँदै गरेको बस बुधबार दिउँसो दिगालेमा दुर्घटना भएको थियो । प्रदेश १०२००१ ख ९६०६ नम्बरको बस दुर्घटना हुँदा महालक्ष्मी–७ की ५५ वर्षीया गंगा कार्की र ६० वर्षीय डिल्ली बरालको मृत्यु भएको जिल्ला प्रहरी कार्यालय धनकुटाले जनाएको छ । जिल्ला प्रहरी कार्यालय धनकुटाका अनुसार दुर्घटनामा घाइते भएका दुवैजनाकाे धनकुटा जिल्ला अस्पतालमा उपचारको क्रममा मृत्यु भएको छ ।
बसमा ३० जना सवार थिए । दुर्घटनामा ६ जना यात्रु घाइते भएका छन् । घाइतेहरूको धनकुटा जिल्ला अस्पतालमा उपचार भइरहेको प्रहरीले जनाएको छ । दुर्घटनामा घाइते हुनेहरूमा धनकुटा नगरपालिका-४ की ४५ वर्षीया दुर्गा माया तिम्सिना भट्टराई, धनकुटा नगरपालिका वडा नं ४ की ६० वर्षीया देवी न्यौपाने, महालक्ष्मी नगरपालिका-९ की ७५ वर्षीया तारा देवी काफ्ले, महालक्ष्मी-८ की १७वर्षीया खुसी लुङ्गेली, मोरङ गाछिया-७ की ८ वर्षीया अंकिता खड्‌का र महालक्ष्मी-७ की सिर्जना जिमी रहेका छन् । घाइतेहरूको जिल्ला अस्पताल धनकुटामा उपचार भइरहेको प्रहरीले जनाएको छ। त्यस्तै वस चालक इटहरी उपमहानगरपालिका वडा नं १७ वस्ने वर्ष ५० को कुलवहादुर मगरको बाँया हातमा चोट लागि घाइते भएको हिले पोलिक्लिनिकमा उपचार प्रश्चात प्रहरी चौकी हिलेमा नियन्त्रण गरि राखिएको छ । जिल्ला प्रहरी कार्यालय धनकुटाका डिएसपी राजन कार्कीका अनुसार दुर्घटनापछि प्रहरी टोली घटनास्थल पुगेको छ र उद्धार तथा आवश्यक अनुसन्धानको कार्य जारी छ। प्रारम्भिक अनुसन्धानअनुसार बस अनियन्त्रित भई सडकमा पल्टिएको बताइएको छ।

प्रकाशित मिति: बुधबार, असोज २९, २०८२ १६:२०

प्रतिक्रिया दिनुहोस्