विश्व ध्यान दिवसको अवसरमा खाँदबारीमा एकदिवसिय ध्यान शिविर हुने

स्वास्थ्य

गृहपृष्ठ
स्वास्थ्य
विश्व ध्यान दिवसको अवसरमा खाँदबारीमा एकदिवसिय ध्यान शिविर हुने

विश्व ध्यान दिवसको अवसरमा खाँदबारीमा एकदिवसिय ध्यान शिविर हुने

सोमबार, मंसिर २२, २०८२ अरूण सन्देश

खाँदबारी । विश्व ध्यान दिवसको अवसरमा सङ्खुवासभाको खाँदबारीमा एकदिवसिय ध्यान शिविरको आयोजना हुने भएको छ । जिल्ला योग समन्वय समिति सङ्खुवासभाको आयोजनामा पुस ५ देखि ७ गते सम्म एकदिवसिय ध्यान शिविर सहित विभिन्न कार्यक्रमको आयोजना गरिएको समितिका संयोजनक भिम कट्टेलले जानकारी दिए ।
जिल्ला योग समन्वय समितिले सोमबार खाँदबारीमा पत्रकार संमेलनगरी कार्यक्रमका तालिका सार्वकजनिक गरेको हो । पुस ५ गते एकदिवसिय ध्यान शिविर, ६ गते विहान साढे ६ बजे देखि साढे ८ बजे सम्म खाँदबारीको त्ररत्न बुद्धविहारमा ध्यान कार्यक्रम र ७ गते विशेष कार्यक्रम सहित समापन गरिने आयोजकले जनाएको छ । पहिलो दिनको एकदिवसिय ध्यान शिविरका लागि अनलाईन फर्म मार्फत सहभागिले फर्म भर्नुपर्ने समितिका संयोजक कट्टेलले जानकारी दिए । शिरविरमा एक साथ १०० जनाले विहान १० बजे देखि ४ बजे सम्म विभन्न विधिका ध्यान गर्नेछन् । सहभागिलाई रुद्राक्षको माला उपलब्ध गराईले आयोजकले जनाएको छ ।
ध्यान मस्तिष्कको एक किसिमको तालिम हो जसले मानसिक प्रक्रियालाई सही अवस्थामा राख्ने, शरीरलाई तन्दुरुस्त बनाउने र अनेकौं फाइदा दिन्छ । तनाव घटाउने, आन्तरिक रूपमा सचेत गराउने र वास्तविक शान्ति प्रदान गर्दछ । तनाव र थकानमा ध्यानले फाइदा पुग्छ । यदि चिन्ता, तनाव र थकान भयो भने ध्यानमा बस्नाले फाइदा पुग्छ । केही मिनेटको ध्यानले शान्ति र खुशी प्रदान गर्दछ । ध्यान जो–कोहीले पनि गर्न सक्ने अभ्यास हो । यो निकै सरल र खर्चरहित हुन्छ । यसका लागि कुनै उपकरणको समेत आवश्यकता पर्दैन र जुनसुकै समयमा पनि गर्न सकिन्छ ।
६ डिसेम्बर, २०२४ मा संयुक्त राष्ट्रसंघको महासभाले २१ डिसेम्बरलाई विश्व ध्यान दिवसका रूपमा घोषणा गरेको थियो । राष्ट्रसंघले ऐतिहासिक मान्यता दिई हरेक वर्ष २१ डिसेम्बरमा विश्व ध्यान दिवस मनाउन सुरु भएके छ। दिवसको अवसरमा देशभरका योग, ध्यानलगायत आध्यात्मिक क्षेत्रमा काम गर्ने संघसंस्थाले विभिन्न कार्यक्रम आयोजना गर्ने गरेका छन् ।

प्रकाशित मिति: सोमबार, मंसिर २२, २०८२ २०:४४

प्रतिक्रिया दिनुहोस्