५० जनाको मोतियाबिन्दुको निःशुल्क शल्यक्रिया

स्वास्थ्य

गृहपृष्ठ
स्वास्थ्य
५० जनाको मोतियाबिन्दुको निःशुल्क शल्यक्रिया

५० जनाको मोतियाबिन्दुको निःशुल्क शल्यक्रिया

आइतबार, भदौ २२, २०८२ अरूण सन्देश

खाँदबारी ।तेजरत्न आँखा तथा कान उपचार केन्द्रमा ५० जनाको मोतियाबिन्दुको निःशुल्क शल्यक्रिया गरिएको छ । संखुवासभाको खाँदबारीमा तेजरत्न आँखा तथा कान उपचार केन्द्र तथा विराटनगर आँखा अस्पताल विराटनगरको प्राविधिक सहयोगमा ५० जनाको मोतियाबिन्दुको निःशुल्क शल्यक्रिया गरिएको हो । भदौ १९ र २० गते सञ्चालन भएको शिविरमा ५० जनाको सफलतापूर्वक मोतियाबिन्दु शल्यक्रिया गरिएको उपचार केन्द्रका प्रमुख क्षितिज बरालले जानकारी दिए ।

तेजरत्न आँखा तथा कान उपचार केन्द्रले विराटनगर आँखा अस्पतालका दक्ष विशेषज्ञको टोलीलाई खाँदबारीमा ल्याएर सेवा प्रदान गरेको हो ।दुई दिने शिविरमा करिब २ सय ५० जनाको आँखा सम्बन्धी सामान्य स्वास्थ्य परीक्षण गरिएको प्रमुख बरालले बताए । शिविरमा शल्यक्रिया र परीक्षणका क्रममा दृष्टि समस्या देखिएका बिरामीलाई तत्काल उपचार गरिएको र आवश्यकता अनुसार निःशुल्क चस्मा समेत वितरण गरिएको थियो । शिविरमा आएका बिरामीलाई स्वास्थ्य परीक्षण, आँखा चेकजाँच, शल्यक्रियासम्बन्धी तयारी तथा आवश्यक परामर्श दिइएको थियो । धेरैजसो बिरामी मोतिया बिन्दुका कारण दृष्टि धमिलो, उज्यालोमा देख्दा समस्या र आँखामा पानी झर्ने जस्ता लक्षणका साथ आएका थिए ।

प्रकाशित मिति: आइतबार, भदौ २२, २०८२ २२:१९

प्रतिक्रिया दिनुहोस्