सङ्खुवासभामा सुमो दुर्घटना हुँदा दुई जनाको मृत्यु तीन जना गम्भीर घाइते

समाज

गृहपृष्ठ
समाज
सङ्खुवासभामा सुमो दुर्घटना हुँदा दुई जनाको मृत्यु तीन जना गम्भीर घाइते

सङ्खुवासभामा सुमो दुर्घटना हुँदा दुई जनाको मृत्यु तीन जना गम्भीर घाइते

आइतबार, माघ ११, २०८२ अरूण सन्देश

सङ्खुवासभा । सङ्खुवासभाको चैनपुर नगरपालिका–२ विहिबारेमा नजिकै सुमो गाडी दुर्घटना हुँदा दुई जनाको घटना स्थलमा नै मृत्यु भएको छ । आइतबार साँझ चैनपुर–नुनढाकी खण्डको भित्र सडकमा सुमो दुर्घटना हुँदा दुई जनाको मृत्यु भएको जिल्ला प्रहरी कार्यालय सङ्खुवासभाका डिएसपी कुमार प्रसाद मैनालीले जानकारी दिए । चैनपुरबाट बिहीबारे तर्फ जाँदै गरेको प्र १–००१ च ८२४७ नम्बरको बोलेरो दुर्घटनामा ३ जना गम्भीर घाइते भएका छन् ।
चैनपुर–१ मैदाने का ५९ वर्षिय विर बहादुर लिम्बु र पहिचान नखुलेका एक पुरुषको मृत्यु भएको हो । दुर्घटना चैनपुर–१ सिङरीङका ३४ बर्षीय निमादोर्जी शेर्पा, चैनपुर मैदानेका ४५ बर्षीय भिम बहादुर थुलुङ र पहिचान नखुलेका अर्का एक जना पुरुष गम्भिर घाइते भएका छन् । गम्भिर घाइते थुलुङलाई थप उपचारका लागि धरान पाइएको छ । निमादोर्जीका छोरा करिव ९/१० वर्षिय पेम्बाा शेर्पा, फिदिम नगरपालिका–४ पाँचथरका २८ वर्षिय दिपेश माझि सामान्य घाइते भए । घाइतेको प्राथमिक स्वास्थ्य केन्द्र चैनपुरमा उपचार भइरहेको छ । गाडीमा ६ जना सवार थिए ।
चैनपुरबाट विहिबारे तर्फ जाँदै गरको यात्रु बोकेको सुमो गाडी अनियन्त्रित भई सडकबाट करिब तीन सय मिटर तल झरेको प्रहरीले जनाएको छ । गाडी चालकको पहिचान खुलेको छैन । घटना लगत्तै सशस्त्र प्रहरी नं ४ गुल्म चैनपुरका डिएसपी बाबुराम पौडेल, इलाका प्रहरी कार्यालय चैनपुरका प्रहरी निरीक्षक पर्शुराम राई सहितको टोली घटनास्थल पुगेको थियो ।

प्रकाशित मिति: आइतबार, माघ ११, २०८२ २१:१९

प्रतिक्रिया दिनुहोस्