सङ्खुवासभा भएकाे सुमाे दुर्घटनामा मृत्यु हुने दुबैकाे पहिचान खुल्यो

समाज

गृहपृष्ठ
समाज
सङ्खुवासभा भएकाे सुमाे दुर्घटनामा मृत्यु हुने दुबैकाे पहिचान खुल्यो

सङ्खुवासभा भएकाे सुमाे दुर्घटनामा मृत्यु हुने दुबैकाे पहिचान खुल्यो

सोमबार, माघ १२, २०८२ अरूण सन्देश

खाँदबारी । सङ्खुवासभाको चैनपुर नगरपालिका–२ मा सुमाे दुर्घटना हुँदा मृत्यु भएका दुई जनाको पहिचान खुलेको छ। आईतबार साँझ भएको दुर्घटनामा तीन जना घाइते भएका छन् ।चैनपुरबाट बिहीबारे तर्फ जाँदै गरेको प्र १–००१ च ८२४७ नम्बरको सुमाे दुर्घटनामा ३ जना गम्भीर घाइते भएकाे जिल्ला प्रहरी कार्यालय संखुवासभाले जनाएको छ। दुर्घटनामा चैनपुर नगरपालिका–१ मैदानेका वीरबहादुर लिम्बु र चैनपुर नगरपालिका–१ पैरेका १७ वर्षीय अनिष थक्लुङको मृत्यु भएको प्रहरी नायब उपरीक्षक कुमारप्रसाद मैनालीले जानकारी दिए।
दुर्घटनामा घाइते भएका चैनपुर नगरपालिका–१ सिङरीङका ९ वर्षीय पेम्बा शेर्पा, ३४ वर्षीय निमदोर्ची शेर्पा र पाँचथर फिदिम नगरपालिका–४ माझिटारका २८ वर्षीय दिपेश माझिलाई थप उपचारका लागि बीपी कोइराला स्वास्थ्य विज्ञान प्रतिष्ठान धरान सुनसरी रेफर गरिएको छ। मृतक दुवै जनाको शव कानुनी प्रक्रिया पूरा गरी पोष्टमार्टमका लागि आधारभूत अस्पताल चैनपुर पठाइएको छ। यात्रु बोकेको सुमो गाडी अनियन्त्रित भई सडकबाट करिब तीन सय मिटर तल झरेको प्रहरीले जनाएको छ ।

प्रकाशित मिति: सोमबार, माघ १२, २०८२ ११:१७

प्रतिक्रिया दिनुहोस्