भोटखोलामा भालुको आक्रमणबाट दुई जना घाइते, एकको अवस्था गम्भीर

समाज

गृहपृष्ठ
समाज
भोटखोलामा भालुको आक्रमणबाट दुई जना घाइते, एकको अवस्था गम्भीर

भोटखोलामा भालुको आक्रमणबाट दुई जना घाइते, एकको अवस्था गम्भीर

बुधबार, भदौ १३, २०८० भविन कार्की

खाँदबारी । संखुवासभाको भोटखोला गाउँपालिका–४ माङ्खिममा भालुको आक्रमणबाट दुई जना घाइते भएका छन् । भालुको आक्रमणबाट मकालु बरुण राष्ट्रिय निकुञ्ज अन्तरर्गत भोटखोला गाउँपालिका–४ माङ्खिमका ४६ बर्षीय प्रेम गुरुङ र २६ राजमान राई घाइते भएको भोटखोला गाउँपालिका अध्यक्ष वाङछेदर भोटेले जानकारी दिए ।

बुधबार दिउँसो घर नजिकै रहेको मकै खोहोरीया काम गर्दे गरेको गुरुङ र राईलाई भालुले आक्रमण गर्दा घाइते भएको गाउँपालिका अध्यक्ष भोटेले बताए । भालुको आक्रमणबाट उनीहरुको अनुहार, टाउको,खुट्टा र हातमा लगायत शरिरका विभिन्न भागमा गहिरो चोट लागेको छ । घाइते मध्ये २६ बर्षीय राईको अवस्था गम्भीर रहेको अध्यक्ष भोटेले बताए । घाइतेको गोला सामुदायिक स्वास्थ्य केन्द्रमा उपचार हुन नसकेपछि थप उपचारका लागि काठमाण्डौ लग्ने तयारी भइरहेको अध्यक्ष भोटेले बताए ।

प्रकाशित मिति: बुधबार, भदौ १३, २०८० १८:३५

प्रतिक्रिया दिनुहोस्