युडब्लुएसले दियो आधारभूत गणित तथा भाषा सम्बन्धि तालीम

शिक्षा

गृहपृष्ठ
शिक्षा
युडब्लुएसले दियो आधारभूत गणित तथा भाषा सम्बन्धि तालीम

युडब्लुएसले दियो आधारभूत गणित तथा भाषा सम्बन्धि तालीम

आइतबार, असार ९, २०८१ अरूण सन्देश

खाँदबारी । युडब्लुएस नेपाल सङ्खुवासभाको आयोजनामा जिल्ला भित्रका युडब्लुएस सँग सहकार्य गरी संचालनमा रहेका सात वटा सामुदायिक विद्यालयका शिक्षकहरुलाई तालिम दिएको छ । युडब्लुएसले आधारभूत गणित तथा भाषा सम्बन्धि तालीम एिको हो ।
चैनपुर नगरपालिका– ११ युडब्लुएस पिप्ले अर्चले विद्यालयमा असार ६ गते देखि ८ गते सम्म संचालन भएको तालिममा कक्षा १ देखि ५ सम्म अध्यापन गराउने १९ जना शिक्षकहरुको उपस्थिति रहेको युडब्लुएस सङ्खुवासभाका सिनियर एजुकेसन अफिसर बिक्रम भट्टराईले जानकारी दिए । तालिममा नेपाली,अङ्ग्रेजी र गणित विषयलाई कसरी विद्यार्थी केन्द्रित, मनोरन्जनात्मक र खेल बिधीहरुको प्रयोग गरेर शिक्षण सिकाई क्रियाकलाप संचालन गर्न सकिन्छ भनेर शिक्षकहरुलाई विभिन्न विधि र तरिकाहरुको सिकाइएको थियो । दुधनाथ विद्यालयका शिक्षक सन्तोष तामाङले सहभागी शिक्षकको तर्फबाट बोल्दै यस्तो रचनात्मक तथा फलदायी तालिम प्राप्त गर्न पाएकोमा खुसी व्यक्त गर्दै आगामी दिनमा पनि यस्तै कक्षाकोठामा व्यवहारीक रुपमा उपयुक्त हुने तरिका सहितका रचनात्मक तालीमहरुको निरन्तरताको आवश्यकता रहेको बताए । तालिमबाट सामुदायिक विद्यालयको घट्दो शैक्षिक स्तरलाई उकास्न साथै शिक्षकहरु कक्षाकोठामा उपयुक्त विधि सहित तयार भएर जाने वातावरण सिर्जना हुने उनको भनाई छ । यस्ता तालिमको निरन्तरताले सिकेका र अनुभव गरेका विषयमा पुनर्ताजगी समेत हुने हुनाले यसको निरन्तरताका लागी अनुरोध समेत गरेका छन् ।
युडब्लुएस बिगत आठ बर्ष देखि नै निरन्तर रुपमा ग्रामीण र सीमान्तकृत समुदायहरूमा बस्ने बालबालिकाको शिक्षा र शैक्षिक अवसरहरू सुधार गर्न प्रतिबद्ध हुँदै आइरहेको छ। संस्था मार्फत गुणस्तरीय र समावेशी शिक्षाको पहुँचबाट ग्रामीण नेपालका १४ हजार भन्दा बढी विद्यार्थीहरूलाई लाभान्वित गरेको छन् ।

प्रकाशित मिति: आइतबार, असार ९, २०८१ १८:५६

प्रतिक्रिया दिनुहोस्