सङ्खुवासभामा सापु (सेतो पुतली)का विरामी भेटिए

स्वास्थ्य

गृहपृष्ठ
स्वास्थ्य
सङ्खुवासभामा सापु (सेतो पुतली)का विरामी भेटिए

सङ्खुवासभामा सापु (सेतो पुतली)का विरामी भेटिए

मंगलबार, माघ ८, २०८१ अरूण सन्देश

खाँदबारी । सङ्खुवासभाको भोटखोला गाउँपालिकाका एक बालकमा सापु राेग देखिएको छ । केहि दिन अगाडि खाँदबारी आएका ति बालकको आँखा सपु संक्रमण देखिएको तेजरत्न आँखा तथा कान उपचार केन्द्र खाँदबारीका इन्चार्ज क्षितिज बरालले जानकारी दिए ।
आज मंगलबार आँखामा समस्या देखिएपछि आँखा उपचार केन्द्रलाई ल्याइएको बालकको आँखामा सापु देखिएको बरालले बताए । ती बालकलाई आजै रेफर गरि काठमाडौं पठाइएको उनले बताए । सेतो पुतलीको झुस आँखामा परेपछि लाग्ने रोगलाई सापु (सिजनल हाइपरएक्युट पनुभिआइटिस) भनिन्छ । यो रोग लागेपछि ४८ घण्टाभित्र अस्पताल नपुगे दृष्टि नै गुम्ने खतरा रहने इन्चार्ज बरालले बताए । जिल्लामा यस अघि सात जनालाई सापु लागेको भेटिएको र तीमध्ये एक जनाको आँखाको ज्योति गुमाउनु परेको थियो। सङ्खुवासभा सेतो पुतलीको प्रकोप तथा जोखिम क्षेत्रको रुपमा लिइन्छ । सेतो पुतली सक्रिय भइसकेकाले सबै सजक रहन तेजरत्न आँखा तथा कान उपचार केन्द्र खाँदबारीका इन्चार्ज बरालले अनुरोध गरे । आँखामा समस्या देखा परे तत्काल आँखा उपचार केन्द्रमा आएर आँखा देखाउन बरालले भनेका छन् ।
लक्षण तथा चिन्हहरु
एक्कासी एउटा आँखा रातो हुनु।
चिप्रा नलाग्नु।
उज्यालोमा हेर्न नसक्नु।
आँखाको दृष्टिमा तत्कालै कमी हुनु।
आँखाको दुखाई सामान्य वा बढी हुनु।
उपचारमा ढिला भएमा कालो नानीमा सेतो देखिन्छ।

निदान तथा उपचार

यो रोगको निदान तथा उपचार आँखा विभाग अस्पतालहरुमा मात्र गर्ने गरिन्छ। शापूको आकस्मिक उपचार सेवा आँखा भित्र औषधिको सुई लगाएर तथा जटिल अवस्थामा आँखाको शल्यक्रिया समेतबाट गर्ने गरिन्छ। समयमा नै उपचार भएमा मात्र आँखा निको हुन्छ तर ढिला हुन गएमा बिरामीको दृष्टि गुम्न सक्छ वा आँखा सुकेर जान सक्छ।

रोकथाम

शापू रोग लाग्नबाट बच्नका लागि सेतो पुतली ९मोथ०को संसर्गबाट टाढै रहने।
धेरै उज्यालो सेतो बत्ति नबाल्ने।
साँझ र राती झ्याल ढोका बन्द गर्ने।
सम्भव भएसम्म झ्याल ढोकामा जाली हाल्ने।
सुत्ने कोठामा बत्ति निभाएर वा मधूरो बत्ती बालेर झूलभित्र मात्रै सुत्ने।
रोगको लक्षण देखा परेमा वा शंका लागेमा तुरुन्तै आँखा विभाग अस्पतालमा जाने।
आफूखुशी कुनै पनि आँखाको औषधि तथा जडिबुटी नराख्ने।
आँखा स्वास्थ्यकर्मीहरुको सल्लाह बमोजिम उपचार गर्ने।

प्रकाशित मिति: मंगलबार, माघ ८, २०८१ २१:३०

प्रतिक्रिया दिनुहोस्