एमालेबाट निर्वाचित जनप्रतिनिधीलाई बेरुजु फछ्यौट गर्न एमाले खाँदबारी नगरकमिटीको निर्देशन

राजनीति

गृहपृष्ठ
राजनीति
एमालेबाट निर्वाचित जनप्रतिनिधीलाई बेरुजु फछ्यौट गर्न एमाले खाँदबारी नगरकमिटीको निर्देशन

एमालेबाट निर्वाचित जनप्रतिनिधीलाई बेरुजु फछ्यौट गर्न एमाले खाँदबारी नगरकमिटीको निर्देशन

शुक्रबार, असार १३, २०८२ अरूण सन्देश

खाँदबारी । नेकपा(एमाले) खाँदबारी नगरकमिटी सङ्खुवासभाले एमालेबाट निर्वाचित जनप्रतिनिधीहरुलाई बेरुजु फछ्यौट गर्न निर्देशन दिएको छ । एमालेबाट खाँदबारी नगरपालिकामा निर्वाचित जनप्रतिनिधीहरुलाई यही असार ३० गते भित्र महालेखा परीक्षणको प्रतिवेदनमा सार्वजनिक भएको बेरुजु फछ्यौट गरी पार्टीकार्यालयमा जानकारी गराउन निर्देशन दिएको हो । नेकपा(एमाले) खाँदबारी नगरकमिटी अध्यक्ष देबेन्द्र घिमिरेले शुक्रबार प्रेस विज्ञप्ती मार्फत बेरुजु फछ्यौट गर्न निर्देशन दिएका हुन् ।
‘म भ्रष्टभार गर्दिन र गर्न दिन्न’ भन्ने नेकपा एमालेका अध्यक्ष केपी शर्मा ओलीको घोषणा र शुल्य सहनशीलता सहित भ्रष्टचार मुक्त सुशासन र पारदर्शितामा आधारित पार्टीको नीति रहेको प्रेस विज्ञप्तीमा उल्लेख गरिएको छ । महालेखा प्रतिवेदनमा सार्वजनिक भएको बेरुजुका विषयलाई लिएर सामाजिक सञ्जालमा विभिन्न टिकाटिप्पणी सुरुभए पछि खाँदबारी नगरकमिटीले विज्ञप्ती मार्फत बेरुजु फछ्यौट गर्न एमाले नगरकमिटीले निर्देशन दिएको हो । एमालेको प्रतिनिधित्व गरी खाँदबारी नगरपालिकामा निर्वाचित भएका जनप्रतिनिधीहरुको नाममा देखिएको बेरुजु तथा दायित्व पछ्यौट गर्नु पर्ने विज्ञप्तीमा भनिएको छ । एमालेबाट निर्वाचित खाँदबारी नगरपालिका–७ का वडा सदस्य झलकलाल कुसुलेले यातायात खर्च बापतको बेरुजु रकम ३० हजार फिर्ता गरिसकेको सामाजिक सञ्जाल मार्फत जानकारी गराई सकेकाछन् ।
महालेखा प्रतिवेदनमा आर्थिक वर्ष २०८०/०८१ खाँदबारी नगरपालिकाबाट ६० लाख ३१ हजार ३४७ रुपैयाँ बेरुजु असुल गर्नुपर्ने उल्लेख गरिएको छ । यस नगरपालिकामा आर्थिक वर्ष २०८०/०८१ मा ६ करोड २८ लाख २ हजार ७९५ रुपैयाँ बेरुजु देखिएको छ । जस मध्ये ३ करोड १५ लाख ९१ हजार ६८ रुपैयाँ अनियमित भएको र २ करोड ३६ लाख ७५ हजार ३८० रुपैयाँ प्रमाण कागजत पेश नएको मलेप प्रतिवेदनमा उल्लेख छ । खाँदबारीमा ९२ सैद्धान्तिक र ४८२ लगती बेरुजु दफा औल्याए पनि नगरपलिकाले बेरुजु फछ्यौटमा चासोदेखाएको छैन । गत आर्थिक वर्ष सम्ममा खाँदबारी नगरपालिकाको बेरुजु ३४ करोड ७२ लाख ३६ हजार ९९२ पुगेको छ ।

प्रकाशित मिति: शुक्रबार, असार १३, २०८२ १८:४१

प्रतिक्रिया दिनुहोस्