मंसिर २९ मा युवा संघ सङ्खुवासभाले नवौं अधिवेसन गर्ने

राजनीति

गृहपृष्ठ
राजनीति
मंसिर २९ मा युवा संघ सङ्खुवासभाले नवौं अधिवेसन गर्ने

मंसिर २९ मा युवा संघ सङ्खुवासभाले नवौं अधिवेसन गर्ने

शनिबार, मंसिर ९, २०८० अरूण सन्देश

खाँदबारी । नेकपा(एमाले) निकट राष्ट्रिय युवा संघ नेपाल सङ्खुवासभाको नवौं जिल्ला अधिवेसन यही मङ्सीर २९ गते हुने भएको छ । अधिवेसनमा जिल्ला भरीका दुई सय ६५ जना प्रतिनिधिको उपस्थिति रहने जिल्ला अधिवेसन आयोजक कमिटिका संयोजक ध्रुव खड्काले जानकारी दिए ।
राष्ट्रिय युवा संघले अधिवेशनका लागि एक सय ५१ जनाको आयोजक कमिटि गठन गरेको छ । अधिवेसनमा आयोजक कमिटि सहित प्रदेश निर्वाचन क्षेत्रीय समन्वय समितिबाट १/१ जना, प्रत्येक पालिकाबाट ३/३ जना, प्रत्येक वडा कमिटिबाट १/१ जना र महिला विभागबाट ५ जना सदस्य प्रतिनिधि रहने आयोजकले जनाएको छ । जिल्ला अधिवेशन पुर्व मंसिर २० सम्म वडा भेला तथा अधिवेशन र मंसिर २६ सम्ममा पालिका अधिवेसन सम्पन्न गर्ने कार्यतालिका सार्वजनिक गरेको छ ।
अधिवेशनको अवसरमा खाँदबारीको बसपार्क, चैनपुर बसपार्क लगायतका जिल्ला विभिन्न स्थानमा बजार सरसफाई गर्ने संयोजक खड्काले जानकारी दिए । सोही अवसरमा रक्तदान कार्यक्रम समेत सञ्चालन गर्ने जनाएको छ ।